yaad dasht e tanhaaii men ai jaan e jahaan larzaan hain

Dasht-e-tanhaa.ee men ai jaan-e-jahaan larzaan hain Teree awaaz ke saa.e tire honTon ke saraab Dasht-e-tanhaa.ee men duuree ke khas o khaak tale Khil rahe hain tire pahloo ke saman aur gulaab UTh rahi hai kaheen qurbat se tiree saans kee aanch Apnee khushboo men sulagtee huee maddham maddham Duur ufuq paar chamaktee huee qatra qatra Gir rahi hai tiree dildaar nazar kee shabnam Is qadar pyaar se ai jaan-e-jahaan rakkhaa hai Dil ke rukhsaar pe is waqt tiree yaad ne haat Yuun gumaan hota hai garche hai abhee sub.h-e-firaaq Dhal gaya hijr kaa din aa bhee ga.ee vasl kee raat Dasht-e-tanhai mein ai jaan-e-jahan larzan hain Teri aawaz ke sae tere honTon ke sarab Dasht-e-tanhai mein duri ke KHas o KHak tale Khil rahe hain tere pahlu ke saman aur gulab UTh rahi hai kahin qurbat se teri sans ki aanch Apni KHushbu mein sulagti hui maddham maddham Dur ufuq par chamakti hui qatra qatra Gir rahi hai teri dildar nazar ki shabnam Is qadar pyar se ai jaan-e-jahan rakkha hai Dil ke ruKHsar pe is waqt teri yaad ne hat Yun guman hota hai garche hai abhi subh-e-firaq Dhal gaya hijr ka din aa bhi gai wasl ki raat