ye jafaa e gam kaa chaara wo najaat e dil kaa aalam
— Faiz Ahmad Faiz
Ye jafaa-e-gham kaa chaara wo najaat-e-dil kaa aalam
Tiraa husn dast-e-eesaa tiree yaad roo-e-maryam
Dil o jaan fidaa-e-raahe kabhi aa ke dekh hamdam
Sar-e-koo-e-dil-figaaraan shab-e-aarzoo kaa aalam
Tiree diid se sivaa hai tire shauq men bahaaraan
Wo chaman jahaan giree hai tire gesuon kee shabnam
Ye ajab qayaamaten hain tire rahguzar men guzaraan
Na huaa ki mar miTen ham na huaa ki jee uThen ham
Lo sunee ga.ee hamaaree yuun phire hain din ki phir se
Vahee gosha-e-qafas hai vahee fasl-e-gul kaa maatam