yuun sajaa chaand ki jhalkaa tire andaaz kaa rang

Yuun sajaa chaand ki jhalkaa tire andaaz kaa rang Yuun fazaa mahkee ki badlaa mire hamraaz kaa rang Saaya-e-chashm men hairaan rukh-e-raushan kaa jamaal Surkhee-e-lab men pareshaan tiree awaaz kaa rang Be-piye huun ki agar lutf karo aakhir-e-shab Sheesha-e-mai men Dhale sub.h ke aaghaaz kaa rang Chang o nai rang pe the apne lahoo ke dam se Dil ne lai badlee to maddham huaa har saaz kaa rang Ik sukhan aur ki phir rang-e-takallum teraa Harf-e-saada ko inaayat kare e.ajaaz kaa rang