aayaa zaraa sii der raha gul gaya badan
— Farhat Ehsas
Aayaa zaraa see der raha ghul gaya badan
Apnee uDaa.ee khaak men hee rul gaya badan
Khwaish thee aabshaar-e-mohabbat men ghusl kee
Halkee see ik phuvaar men hee ghul gaya badan
Zer-e-kamaan dil thaa to thoDee see thee umiid
Ab to hamaare haath se bilkul gaya badan
Ab dekhtaa hoon main to wo asbaab hee nahin
Lagtaa hai raaste men kaheen khul gaya badan
Main ne bhee ek din use taaraaj kar diyaa
Mujh ko halaak karne pe jab tul gaya badan