dil ne imdaad kabhi hasb e zaruurat nahin dii

Dil ne imdaad kabhee hasb-e-zaroorat naheen dee Dasht men aql na dee shahr men vahshat naheen dee Ishq too aaj bhee hai kis ke lahoo se sarsabz Kis muhim ke liye ham ne tujhe ujrat naheen dee Dhoop bolee ki main aabaa.ee vatan hoon teraa Main ne phir saaya-e-deevaar ko zahmat naheen dee Ishq men ek baDaa zulm hai saabit-qadamee Vaqt ne bhee hamen is baab men qudrat naheen dee Sar salaamat liye lauT aa.e galee se us kee Yaar ne ham ko koee Dhang kee khidmat naheen dee Kaun see aisee khushee hai jo milee ho ik baar Aur taa-umr hamen jis ne aziyyat naheen dee Ahl-e-dil ne kabhee makhloot hukoomat na banaa.ee Aql vaalon ne bhee be-shart himaayat naheen dee 'farhat-ehsaas' to ham khud hee bane hain varna Farhat-ullaah ne kabhee is kee ijaazat naheen dee