jis ko jaisaa bhi hai darkaar use vaisaa mil jaae

Jis ko jaisaa bhee hai darkaar use vaisaa mil jaa.e Too mayassar ho mujhe aur tujhe Dunya mil jaa.e Sang se sang ke Takraane kaa manzar dekhoon Kabhee aisa ho ki tujh ko koee tujh saa mil jaa.e Ye dhaDaktaa huaa dil us ke havaale kar duun Ek bhee shakhs agar shahr men zinda mil jaa.e Sakht sardee men ThiThurtee hai bahut ruuh miree Jism-e-yaar aa ki bechaaree ko sahaaraa mil jaa.e Shahr kee bhiiD mujhe teraa bulaavaa manzoor Shart ye hai miraa khoyaa huaa sahraa mil jaa.e Too khuda hai to mujhe kufr men mustahkam kar Ki mujhe raaz-e-sanam-khaana-e-Dunya mil jaa.e Ham to bas dhoop kee shiddat men kamee chaahte hain Kab kahaa hai ki kaheen raah men saayaa mil jaa.e Apne aa.eena-e-tauheed men allaah-miyaan Dekhte rahiye koee aap hee jaisaa mil jaa.e Fasl-e-sher aa.ee hai baazaar-e-sukhan men dekh aao Farhat-ehsaas bhee shaayad koee taaza mil jaa.e