jism ki qaid se sab rang tumhaare nikal aae

Jism kee qaid se sab rang tumhaare nikal aa.e Meree dastak se to tum aur bhee pyaare nikal aa.e Us ke paanee ne diyaa hukm to ham Doob ga.e Us kee miTTee ne pukaaraa to kinaare nikal aa.e Ishq pahunchaa jo mire jism ke darvaaze par Khair-maqdam ke liye Khoon ke dhaare nikal aa.e Us kee aankhon ne yaqeen Kuch na dilaayaa phir bhee Sher kahne ke liye Kuch to ishaare nikal aa.e Shahr kee bhiiD men gum ho ga.e saare ma.ashooq Khair se ishq miyaan tum to hamaare nikal aa.e 'farhat-ehsaas' to bas Doob ga.e the lekin Beach manjdhaar men do-chaar kinaare nikal aa.e