Kuch bhi na kahnaa Kuch bhi na sunnaa lafz men lafz utarne denaa

Kuch bhee na kahnaa Kuch bhee na sunnaa lafz men lafz utarne denaa MiTTee kaa ye pyaala apne aab-e-hayaat se bharne denaa Main bhee mahz ik jism nahin hoon tum bhee mahz ik ruuh nahin ho Jism-o-rooh ke aks ko un ke aa.eene men utarne denaa Apne jism ke aa.eene se har khaakee chilman ko haTaa kar Saamne baiThe rahnaa mere ruuh ko meree sanvarne denaa Sirf havaa-e-mohabbat hoon main aa.oongaa aur guzar jaa.oongaa Bas itnaa karnaa mujh ko apne andar se guzarne denaa Aur kisee saahil par jaa kar ubharoongaa ek aur badan men MiTTee chhoD raha hoon main mujh ko Dariya men utarne denaa Tez havaa-e-taghaaful ho tum main hoon gard-o-ghubaar-e-mohabbat Khuub mazaa aa.egaa mujh ko saamne apne bikharne denaa Is 'ehsaas' ko mat uljhaanaa kisee bhee bahs-e-fanaa-o-baqaa men Jiinaa chaahe to jiine denaa marnaa chaahe to marne denaa