mohabbat kaa sila kaar e mohabbat se nahin miltaa

Mohabbat kaa sila-kaar-e-mohabbat se naheen miltaa Jo afsaane se miltaa hai haqeeqat se naheen miltaa Main us ko us ke baahar dekhtaa hoon sakht mushkil men Koee bhee aks us kaa asl soorat se naheen miltaa Mulaaqaat us se ab to baalaa baalaa bhee naheen mumkin Chhaton kaa silsila ek us kee hee chhat se naheen miltaa Kahaan se laa.en ishq itnaa ki us tak baar paa.en ham Wo khud bairoon-e-sahraa ahl-e-vahshat se naheen miltaa Ki ab dar-pesh rahte hain ka.ee apne bhee kaam us ko Wo pahle kee tarah ab apne 'farhat' se naheen miltaa