puurii tarah se ab ke tayyaar ho ke nikle

Puuree tarah se ab ke tayyaar ho ke nikle Ham chaaragar se milne beemaar ho ke nikle Jaadoo-bharee jagah hai baazaar tum na jaanaa Ik baar ham ga.e the baazaar ho ke nikle MiTTee ke raaston pe utre imaaraton se Vaapas imaaraton ke aasaar ho ke nikle Apnee haqeeqaton ko jangal banaayaa ham ne Aur phir kahaaniyon ke kirdaar ho ke nikle Aakhir ko zindagee ke qadmon men bichh ga.e ham Aur us kee Thokaron se hamvaar ho ke nikle Ma.ashooq ne karaa dee kya sulh aashiqon men Saare raqeeb aa.e aur yaar ho ke nikle Ye shakhs farhat-'ehsaas' aisi buree balaa hai Ham us ke saath rah kar be-kaar ho ke nikle