raaste ham se raaz kahne lage
— Farhat Ehsas
Raaste ham se raaz kahne lage
Phir to ham raaston men rehne lage
Mere lafzon ko mil ga.ee aankhen
Saare aansoo labon se bahne lage
Shahr ke lafz kar diye vaapas
Apnee zaat apnee baat kahne lage
Ham abhee Thiik se bane bhee na the
Khud se Takraa.e aur Dhahne lage
Us ne talqeen-e-sabr kee thee so ham
Jo na sahnaa thaa wo bhee sahne lage
Ham ne miTTee kee beDiyaan kaaTeen
ToDaa zindaan-e-aab bahne lage
Muzhda ai sakinaan-e-shahr-e-sukhan
'farhat-ehsaas' sher kahne lage