tumhen us se mohabbat hai to himmat kyuun nahin karte

Tumhen us se mohabbat hai to himmat kyuun nahin karte Kisee din us ke dar pe raqs-e-vahshat kyuun nahin karte Ilaaj apna karaate phir rahe ho jaane kis kis se Mohabbat kar ke dekho naa mohabbat kyuun nahin karte Tumhaare dil pe apna naam likkhaa ham ne dekhaa hai Hamaaree chiiz phir ham ko inaayat kyuun nahin karte Miree dil kee tabaahee kee shikaayat par kahaa us ne Tum apne ghar kee cheezon kee hifaazat kyuun nahin karte Badan baiThaa hai kab se kaasa-e-ummeed kee soorat So de kar vasl kee khairaat rukhsat kyuun nahin karte Qayaamat dekhne ke shauq men ham mar miTe tum par Qayaamat karne vaalo ab qayaamat kyuun nahin karte Main apne saath jazbon kee jamaa.at le ke aayaa hoon Jab itne muqtadee hain to imaamat kyuun nahin karte Tum apne honTh aa.eene men dekho aur phir socho Ki ham sirf ek bose par qanaa.at kyuun nahin karte Bahut naaraaz hai wo aur use ham se shikaayat hai Ki is naaraazgee kee bhee shikaayat kyuun nahin karte Kabhi allaah-miyaan poochhenge tab un ko bataa.enge Kisee ko kyuun bataa.en ham ibaadat kyuun nahin karte Murattab kar liyaa hai kulliyaat-e-zakhm agar apna To phir 'ehsaas-jee' is kee ishaa.at kyuun nahin karte