tuu mujh ko jo is shahr men laayaa nahin hota
— Farhat Ehsas
Too mujh ko jo is shahr men laayaa naheen hota
Main be-sar-o-saamaan kabhee rusvaa naheen hota
Us kee to ye aadat hai kisee kaa naheen hota
Phir is men ajab kya ki hamaaraa naheen hota
Kuch peD bhee be-faiz hain is raahguzar ke
Kuch dhoop bhee aisi hai ki saayaa naheen hota
Khawabon men jo ik shahr banaa deta hai mujh ko
Jab aankh khulee ho to wo chehraa naheen hota
Kis kee hai ye tasveer jo bantee naheen mujh se
Main kis kaa taqaazaa hoon ki puuraa naheen hota
Main shahr men kis shakhs ko jiine kee duaa duun
Jiinaa bhee to sab ke liye achchhaa naheen hota