wo meri jaan ke sadaf men guhar saa rahtaa hai
— Farhat Ehsas
Wo meree jaan ke sadaf men guhar saa rahtaa hai
Men us ko toD na Daaloon ye Dar saa rahtaa hai
Wo chehra ek shifaa-khaana hai miree khaatir
Wo ho to jaise koee chaaraagar saa rahtaa hai
Main us nigaah ke hamraah jab se aayaa hoon
Mujhe na jaane kahaan kaa safar saa rahtaa hai
BaDaa vasee' hai us ke jamaal kaa manzar
Wo aa.ine men to bas mukhtasar saa rahtaa hai
Miree zameen ko mayassar hai aasmaan us kaa
Kaheen bhee jaa.oon mire saath ghar saa rahtaa hai