aadhii raat 1

1 Siyaah peD hain ab aap apnee parchhaa.een Zameen se taa-mah-o-anjum sukoot ke meenaar Jidhar nigaah karen ik athaah gum-shudgee Ik ek kar ke fasurda charaaghon kee palken Jhapak ga.iin jo khulee hain jhapakne vaalee hain Jhalak raha hai paDaa chaandnee ke darpan men Raseele kaif bhare manzaron kaa jaagtaa khvaab Falak pe taaron ko pahlee jamaahiyaan aa.iin 2 Tamoliyon kee dokaanen kaheen kaheen hain khulee Kuchh oonghtee huee baDhtee hain shaah-raahon par Savaariyon ke baDe ghungrooon kee jhankaaren KhaDaa hai os men chup-chaap har singaar kaa peD Dulhan ho jaise hayaa kee sugandh se bojhal Ye mauj-e-noor ye bharpoor ye khilee huee raat Ki jaise khiltaa chalaa jaa.e ik safed kanval Sipaah-e-roos hai ab kitnee duur berlin se Jagaa raha hai koi aadhee raat kaa jaadoo Chhalak rahi hai khum-e-ghaib se sharaab-e-vajood Fazaa-e-neem-shabee nargis-e-khumaar-aalood Kanval kee chuTkiyon men band hai nadee kaa suhaag 3 Ye ras kaa sej ye sukumaar ye sukomal gaat Nayan kamal kee jhapak kaam-roop kaa jaadoo Ye rasmasaa.ee palak kee ghanee ghanee parchhaa.een Falak pe bikhre hue chaand aur sitaaron kee Chamaktee ungliyon se chhiD ke saaz fitrat ke Taraane jaagne vaale hain tum bhee jaag uTho 4 Shuaa-e-mahr ne yuun un ko chuum chuum liyaa Nadee ke biich kumudnee ke phuul khil uTThe Na muflisee ho to kitnee haseen hai dunya Ye jhaa.en jhaa.en see rah rah ke ek jheengur kee Hinaa kee Tattiyon men narm sarsaraahaT see Fazaa ke siine men khaamosh sansanaahaT see Ye kaa.enaat ab ik niind le chukee hogee 5 Ye mahv-e-khvaab hain rangeen machhliyaan tah-e-aab Ki hauz-e-sehn men ab in kee chashmaken bhee nahin Ye sar-nigoon hain sar-e-shaakh phuul guDhal ke Ki jaise be-bujhe angaare ThanDe paD jaa.en Ye chaandnee hai ki umDaa huaa hai ras-saagar Ik aadmee hai ki itnaa dukhee hai dunya men 6 Qareeb chaand ke manDlaa rahi hai ik chiDiyaa Bhanvar men nuur ke karvaT se jaise naav chale Ki jaise seena-e-shaa.ir men koi khvaab pale Vo khvaab saanche men jis ke na.ee hayaat Dhale Vo khvaab jis se puraanaa nizaam-e-gham badle Kahaan se aatee hai madmaaltee lataa kee lipaT Ki jaise saikDon pariyaan gulaabiyaan chhiDkaa.en Ki jaise saikDon ban-deviyon ne jhoole par Adaa-e-khaas se ik saath baal khol diye Lage hain kaan sitaaron ke jis kee aahaT par Is inqalaab kee koi khabar nahin aatee Dil-e-nujoom dhaDakte hain kaan bajte hain 7 Ye saans letee huee kaa.enaat ye shab-e-maah Ye pur-sukoon ye pur-asraar ye udaas samaan Ye narm narm havaaon ke neel-goon jhonke Fazaa kee oT men mardon kee gungunaahaT hai Ye raat maut kee be-rang muskuraahaT hai Dhuaan dhuaan se manaazir tamaam nam-deeda Khunuk dhundalke kee aankhen bhee niim khvaabeeda Sitaare hain ki jahaan par hai aansuon kaa kafan Hayaat parda-e-shab men badaltee hai pahloo Kuchh aur jaag uThaa aadhee raat kaa jaadoo Zamaana kitnaa laDaa.ee ko rah gaya hogaa Mire khayaal men ab ek baj raha hogaa 8 Gulon ne chaadar-e-shabnam men munh lapeT liyaa Labon pe so ga.ee kaliyon kee muskuraahaT bhee Zaraa bhee sumbul-e-turkee laTen nahin hilteen Sukoot-e-neem-shabee kee haden nahin milteen Ab inqalaab men shaayad ziyaada der nahin Guzar rahe hain ka.ee kaarvaan dhundalke men Sukoot-e-neem-shabee hai unheen ke paanv kee chaap Kuchh aur jaag uThaa aadhee raat kaa jaadoo 9 Na.ee zameen nayaa aasmaan na.ee dunya Na.e sitaare na.ee gardishen na.e din raat Zameen se taa-ba-falak intizaar kaa aalam Fazaa-e-zard men dhundle ghubaar kaa aalam Hayaat maut-numaa intishaar kaa aalam Hai mauj-e-dood ki dhundlee fazaa kee nabzen hain Tamaam khastagee-o-maandgee ye daur-e-hayaat Thake thake se ye taare thakee thakee see ye raat Ye sard sard ye be-jaan pheekee pheekee chamak Nizaam-e-saaniya kee maut kaa paseenaa hai Khud apne aap men ye kaa.enaat Doob ga.ee Khud apnee kokh se phir jagmagaa ke ubhregee Badal ke kechulee jis tarah naag lahraa.e 10 Khunuk fazaaon men raqsaan hain chaand kee kirnen Ki aabgeenon pe paDtee hai narm narm phuvaar Ye mauj-e-ghaflat-e-ma.asoom ye khumaar-e-badan Ye saans niind men Duubee ye aankh madmaatee Ab aao mere kaleje se lag ke so jaao Ye palken band karo aur mujh men kho jaao 1 Siyah peD hain ab aap apni parchhain Zamin se ta-mah-o-anjum sukut ke minar Jidhar nigah karen ek athah gum-shudgi Ek ek kar ke fasurda charaghon ki palken Jhapak gain jo khuli hain jhapakne wali hain Jhalak raha hai paDa chandni ke darpan mein Rasile kaif bhare manzaron ka jagta KHwab Falak pe taron ko pahli jamahiyan aain 2 Tamoliyon ki dokanen kahin kahin hain khuli Kuchh unghti hui baDhti hain shah-rahon par Sawariyon ke baDe ghungruon ki jhankaren KhaDa hai os mein chup-chap har singar ka peD Dulhan ho jaise haya ki sugandh se bojhal Ye mauj-e-nur ye bharpur ye khili hui raat Ki jaise khilta chala jae ek safed kanwal Sipah-e-rus hai ab kitni dur berlin se Jaga raha hai koi aadhi raat ka jadu Chhalak rahi hai KHum-e-ghaib se sharab-e-wajud Faza-e-nim-shabi nargis-e-KHumar-alud Kanwal ki chuTkiyon mein band hai nadi ka suhag 3 Ye ras ka sej ye sukumar ye sukomal gat Nayan kamal ki jhapak kaam-rup ka jadu Ye rasmasai palak ki ghani ghani parchhain Falak pe bikhre hue chand aur sitaron ki Chamakti ungliyon se chhiD ke saz fitrat ke Tarane jagne wale hain tum bhi jag uTho 4 Shua-e-mahr ne yun un ko chum chum liya Nadi ke bich kumudni ke phul khil uTThe Na muflisi ho to kitni hasin hai duniya Ye jhaen jhaen si rah rah ke ek jhingur ki Hina ki Tattiyon mein narm sarsarahaT si Faza ke sine mein KHamosh sansanahaT si Ye kaenat ab ek nind le chuki hogi 5 Ye mahw-e-KHwab hain rangin machhliyan tah-e-ab Ki hauz-e-sehn mein ab in ki chashmaken bhi nahin Ye sar-nigun hain sar-e-shaKH phul guDhal ke Ki jaise be-bujhe angare ThanDe paD jaen Ye chandni hai ki umDa hua hai ras-sagar Ek aadmi hai ki itna dukhi hai duniya mein 6 Qarib chand ke manDla rahi hai ek chiDiya Bhanwar mein nur ke karwaT se jaise naw chale Ki jaise sina-e-shair mein koi KHwab pale Wo KHwab sanche mein jis ke nai hayat Dhale Wo KHwab jis se purana nizam-e-gham badle Kahan se aati hai madmalti lata ki lipaT Ki jaise saikDon pariyan gulabiyan chhiDkaen Ki jaise saikDon ban-dewiyon ne jhule par Ada-e-KHas se ek sath baal khol diye Lage hain kan sitaron ke jis ki aahaT par Is inqalab ki koi KHabar nahin aati Dil-e-nujum dhaDakte hain kan bajte hain 7 Ye sans leti hui kaenat ye shab-e-mah Ye pur-sukun ye pur-asrar ye udas saman Ye narm narm hawaon ke nil-gun jhonke Faza ki oT mein mardon ki gungunahaT hai Ye raat maut ki be-rang muskurahaT hai Dhuan dhuan se manazir tamam nam-dida KHunuk dhundalke ki aankhen bhi nim KHwabida Sitare hain ki jahan par hai aansuon ka kafan Hayat parda-e-shab mein badalti hai pahlu Kuchh aur jag uTha aadhi raat ka jadu Zamana kitna laDai ko rah gaya hoga Mere KHayal mein ab ek baj raha hoga 8 Gulon ne chadar-e-shabnam mein munh lapeT liya Labon pe so gai kaliyon ki muskurahaT bhi Zara bhi sumbul-e-turki laTen nahin hiltin Sukut-e-nim-shabi ki haden nahin miltin Ab inqalab mein shayad ziyaada der nahin Guzar rahe hain kai karwan dhundalke mein Sukut-e-nim-shabi hai unhin ke panw ki chap Kuchh aur jag uTha aadhi raat ka jadu 9 Nai zamin naya aasman nai duniya Nae sitare nai gardishen nae din raat Zamin se ta-ba-falak intizar ka aalam Faza-e-zard mein dhundle ghubar ka aalam Hayat maut-numa intishaar ka aalam Hai mauj-e-dud ki dhundli faza ki nabzen hain Tamam KHastagi-o-mandgi ye daur-e-hayat Thake thake se ye tare thaki thaki si ye raat Ye sard sard ye be-jaan phiki phiki chamak Nizam-e-saniya ki maut ka pasina hai KHud apne aap mein ye kaenat Dub gai KHud apni kokh se phir jagmaga ke ubhregi Badal ke kechuli jis tarah nag lahrae 10 KHunuk fazaon mein raqsan hain chand ki kirnen Ki aabginon pe paDti hai narm narm phuwar Ye mauj-e-ghaflat-e-masum ye KHumar-e-badan Ye sans nind mein Dubi ye aankh madmati Ab aao mere kaleje se lag ke so jao Ye palken band karo aur mujh mein kho jao