aaj bhi qaafila e ishq ravaan hai ki jo thaa

Aaj bhee qaafila-e-ishq ravaan hai ki jo thaa Vahee miil aur vahee sang-e-nishaan hai ki jo thaa Phir tiraa gham vahee rusvaa-e-jahaan hai ki jo thaa Phir fasaana ba-hadees-e-digaraan hai ki jo thaa Manzilen gard ke maanind uDee jaatee hain Vahee andaaz-e-jahaan-e-guzaraan hai ki jo thaa Zulmat o nuur men Kuch bhee na mohabbat ko milaa Aaj tak ek dhundalke kaa samaan hai ki jo thaa Yuun to is daur men be-kaif see hai bazm-e-hayaat Ek hangaama sar-e-ritl-e-giraan hai ki jo thaa Laakh kar jaur-o-sitam laakh kar ehsaan-o-karam Tujh pe ai dost vahee vahm-o-gumaan hai ki jo thaa Aaj phir ishq do-aalam se judaa hota hai Aasteenon men liye kaun-o-makaan hai ki jo thaa Ishq afsurda naheen aaj bhee afsurda bahut Vahee kam kam asr-e-soz-e-nihaan hai ki jo thaa Nazar aa jaate hain tum ko to bahut naazuk baal Dil miraa kya vahee ai sheesha-giraan hai ki jo thaa Jaan de baiThe the ik baar havas vaale bhee Phir vahee marhala-e-sood-o-ziyaan hai ki jo thaa Aaj bhee said-gah-e-ishq men husan-e-saffaak Liye abroo kee lachaktee see kamaan hai ki jo thaa Phir tiree chashm-e-sukhan-sanj ne chheDee koee baat Vahee jaadoo hai vahee husn-e-bayaan hai ki jo thaa Raat bhar husn par aa.e bhee ga.e sau sau rang Shaam se ishq abhee tak nigaraan hai ki jo thaa Jo bhee kar jaur-o-sitam jo bhee kar ehsaan-o-karam Tujh pe ai dost vahee vahm-o-gumaan hai ki jo thaa Aankh jhapkee ki idhar khatm huaa roz-e-visaal Phir bhee is din pe qayaamat kaa gumaan hai ki jo thaa Qurb hee kam hai na duuree hee ziyaada lekin Aaj wo rabt kaa ehsaas kahaan hai ki jo thaa Teera-bakhtee naheen jaatee dil-e-sozaan kee 'firaaq' Sham.a ke sar pe vahee aaj dhuaan hai ki jo thaa