aaj ki dunya dunya ko inqalaab ki yaad aa rahii hai aaj

Dunya ko inqalaab kee yaad aa rahi hai aaj Taareekh apne aap ko dohraa rahi hai aaj Vo sar uThaa.e mauj-e-fanaa aa rahi hai aaj Mauj-e-hayaat maut se Takraa rahi hai aaj Kaanon men zalzalon kee dhamak aa rahi hai aaj Har chiiz kaa.enaat kee tharraa rahi hai aaj Jhapkaa rahi hai der se aankhen havaa-e-dahr Kaun-o-makaan ko niind see kuch aa rahi hai aaj Har lafz ke ma.aanee-o-matlab badal chuke Har baat aur baat huee jaa rahi hai aaj Yaksar jahaan-e-husn bhee badlaa huaa saa hai Duniyaa-e-ishq aur nazar aa rahi hai aaj Har har shikast-e-saaz men hai lahn-e-sarmadee Yaa zindagee ke giit ajal gaa rahi hai aaj Ye daaman-e-ajal hai ki tahreek-e-ghaib hai Kyaa shai havaa-e-dahr ko sankaa rahi hai aaj Abnaa-e-dahr lete hain yuun saans garm-o-tez Jiine men jaise der huee jaa rahi hai aaj Aflaak kee jabeen bhee shikan-dar-shikan see hai Tyoree zameen kee bhee chaDhee jaa rahi hai aaj Phir chheDtee hai maut hayaat-e-fasurda ko Phir aatish-e-khamosh ko uksaa rahi hai aaj Barham saa kuch mizaaj-e-anaasir hai in dinon Aur kuch tabee.at apnee bhee ghabraa rahi hai aaj Ik mauj-e-dood siine men larzaan hai is tarah Naagin see jaise sheeshe men lahraa rahi hai aaj Biite jugon kee Chaaon hai imroz par 'firaaq' Har chiiz ik fasaana huee jaa rahi hai aaj Duniya ko inqalab ki yaad aa rahi hai aaj TariKH apne aap ko dohra rahi hai aaj Wo sar uThae mauj-e-fana aa rahi hai aaj Mauj-e-hayat maut se Takra rahi hai aaj Kanon mein zalzalon ki dhamak aa rahi hai aaj Har chiz kaenat ki tharra rahi hai aaj Jhapka rahi hai der se aankhen hawa-e-dahr Kaun-o-makan ko nind si kuch aa rahi hai aaj Har lafz ke maani-o-matlab badal chuke Har baat aur baat hui ja rahi hai aaj Yaksar jahan-e-husn bhi badla hua sa hai Duniya-e-ishq aur nazar aa rahi hai aaj Har har shikast-e-saz mein hai lahn-e-sarmadi Ya zindagi ke git ajal ga rahi hai aaj Ye daman-e-ajal hai ki tahrik-e-ghaib hai Kya shai hawa-e-dahr ko sanka rahi hai aaj Abna-e-dahr lete hain yun sans garm-o-tez Jine mein jaise der hui ja rahi hai aaj Aflak ki jabin bhi shikan-dar-shikan si hai Tyori zamin ki bhi chaDhi ja rahi hai aaj Phir chheDti hai maut hayat-e-fasurda ko Phir aatish-e-KHamosh ko uksa rahi hai aaj Barham sa kuch mizaj-e-anasir hai in dinon Aur kuch tabiat apni bhi ghabra rahi hai aaj Ek mauj-e-dud sine mein larzan hai is tarah Nagin si jaise shishe mein lahra rahi hai aaj Bite jugon ki chhanw hai imroz par 'firaq' Har chiz ek fasana hui ja rahi hai aaj