aankhon men jo baat ho gaii hai

Aankhon men jo baat ho ga.ee hai Ik sharh-e-hayaat ho ga.ee hai Jab dil kee vafaat ho ga.ee hai Har chiiz kee raat ho ga.ee hai Gham se chhuT kar ye gham hai mujh ko Kyuun gham se najaat ho ga.ee hai Muddat se khabar milee na dil kee Shaayad koi baat ho ga.ee hai Jis shai pe nazar paDee hai teree Tasveer-e-hayaat ho ga.ee hai Ab ho mujhe dekhiye kahaan sub.h Un zulfon men raat ho ga.ee hai Dil men tujh se thee jo shikaayat Ab gham ke nikaat ho ga.ee hai Iqraar-e-gunaah-e-ishq sun lo Mujh se ik baat ho ga.ee hai Jo chiiz bhee mujh ko haath aa.ee Teree saughaat ho ga.ee hai Kya jaaniye maut pahle kya thee Ab meree hayaat ho ga.ee hai GhaTte ghaTte tiree inaayat Meree auqaat ho ga.ee hai Us chashm-e-siyah kee yaad yaksar Shaam-e-zulmaat ho ga.ee hai Is daur men zindagee bashar kee Beemaar kee raat ho ga.ee hai Jiitee huee baazee-e-mohabbat Khelaa hoon to maat ho ga.ee hai MiTne lageen zindagee kee qadren Jab gham se najaat ho ga.ee hai Wo chaahen to vaqt bhee badal jaa.e Jab aa.e hain raat ho ga.ee hai Dunya hai kitnee be-Thikaana Aashiq kee baraat ho ga.ee hai Pahle wo nigaah ik kiran thee Ab barq-sifaat ho ga.ee hai Jis chiiz ko chhoo diyaa hai too ne Ik barg-e-nabaat ho ga.ee hai Ikkaa-dukkaa sadaa-e-zanjeer Zindaan men raat ho ga.ee hai Ek ek sifat 'firaaq' us kee Dekhaa hai to zaat ho ga.ee hai