hai Abhi mahtaab baaqii aur baaqii hai sharaab

Hai abhee mahtaab baaqee aur baaqee hai sharaab Aur baaqee mere tere darmiyaan sad.haa hisaab Dil men yuun bedaar hote hain khayaalaat-e-ghazal Aankhen malte jis tarah uTThe koi mast-e-shabaab Gesoo-e-khamdaar men ash.aar-e-tar kee ThanDaken Aatish-e-rukhsaar men qalb-e-tapaan kaa iltihaab Ek aalam par nahin rahtee hain kaifiyyaat-e-ishq Gaah registaan bhee Dariya gaah Dariya bhee saraab Kaun rakh saktaa hai is ko saakin-o-jaamid ki ziist Inqilaab-o-inqilaab-o-inqilaab-o-inqilaab DhoonDiye kyon isti.aara aur tashbeeh-o-misaal Husn to wo hai bataa.en jis ko husn-e-laa-javaab Ai 'firaaq' uThtee hain hairat kee nigaahen baa-adab Us ke dil kee khalvaton men ho raha hoon baaryaab