hijr o visaal e yaar kaa parda uthaa diyaa

Hijr-o-visaal-e-yaar kaa parda uThaa diyaa Khud baDh ke ishq ne mujhe meraa pataa diyaa Gard-o-ghubaar-e-hastee-e-faanee uDaa diyaa Ai keemiyaa-e-ishq mujhe kya banaa diyaa Wo saamne hai aur nazar se chhupaa diyaa Ai ishq-e-be-hijaab mujhe kya dikhaa diyaa Wo shaan-e-khaamushee ki bahaaren hain muntazir Wo rang-e-guftugoo ki gulistaan banaa diyaa Dam le rahee thiin husn kee jab sehr-kaariyaan In vaqfa-haa-e-kufr ko eemaan banaa diyaa Ma.aloom Kuch mujhee ko hain un kee ravaaniyaan Jin qatra-haa-e-ashk ko Dariya banaa dayaa Ik barq-e-be-qaraar thee tamkeen-e-husn bhee Jis vaqt ishq ko gham-e-sabr-aazmaa diyaa Saaqee mujhe bhee yaad hain wo tishna-kaamiyaan Jin ko hareef-e-saaghar-o-meenaa banaa diyaa Ma.aloom hai haqeeqat-e-gham-haa-e-rozgaar Dunya ko tere dard ne Dunya banaa diyaa Ai shokhi-e-nigaah-e-karam muddaton ke ba.ad Khvaab-e-giraan-e-gham se mujhe kyuun jagaa diyaa Kuch shorishen taghaaful-e-pinhaan men thiin jinhen Hangaama-zaar-e-hashr-e-tamannaa banaa diyaa BaDhtaa hee jaa raha hai jamaal-e-nazar-fareb Husn-e-nazar ko husn-e-khud-aaraa banaa diyaa Phir dekhnaa nigaah laDee kis se ishq kee Gar husn ne hijaab-e-taghaaful uThaa diyaa Jab Khoon ho chukaa dil-e-hastee-e-etibaar Kuch dard bach rahe jinhen insaan banaa diyaa Gum-karda-e-vafoor-e-gham-e-intizaar hoon Too kya chhupaa ki mujh ko mujhee se chhupaa diyaa Raat ab hareef-e-sub.h-e-qayaamat hee kyuun na ho Jo Kuch bhee ho us aankh ko ab to jagaa diyaa Ab main hoon aur lutf-o-karam ke takallufaat Ye kyuun hijaab-e-ranjish-e-be-jaa banaa diyaa Thee yuun to shaam-e-hijr magar pichhlee raat ko Wo dard uThaa 'firaaq' ki main muskuraa diyaa