jahaan e guncha e dil kaa faqat chataknaa tha

Jahaan-e-ghuncha-e-dil kaa faqat chaTaknaa tha Usee kee boo-e-pareshaan vajood-e-dunya tha Ye kah ke kal koi be-ikhtiyaar rotaa tha Wo ik nigaah sahee kyuun kisee ko dekhaa tha Tanaaben koocha-e-qaatil kee khinchtee jaatee thiin Shaheed-e-tegh-e-adaa men bhee zor kitnaa tha Bas ik jhalak nazar aa.ee uDe kaleem ke hosh Bas ik nigaah huee khaak toor-e-seenaa tha Har ik ke haath faqat ghaflaten thiin hosh-numaa Ki apne aap se begaana-vaar jiinaa tha Yahee huaa ki fareb-e-umeed-o-yaas miTe Wo paa ga.e tire haathon hamen jo paanaa tha Chaman men ghuncha-e-gul khilkhilaa ke murjhaa.e Yahee wo the jinhen hans hans ke jaan denaa tha Nigaah-e-mehr men jis kee hain sad payaam-e-fanaa Usee kaa aalam-e-eejaad-o-naaz bejaa tha Jahaan too jalva-numaa tha laraztee thee dunya Tire jamaal se kaisaa jalaal paidaa tha Hayaat-o-marg ke kuch raaz khul ga.e honge Fasaana-e-shab-e-gham varna dosto kya tha Shab-e-adam kaa fasaana gudaaz sham-e-hayaat Sivaa.e kaif-e-fanaa meraa maajraa kya tha Kuch aisi baat na thee teraa duur ho jaanaa Ye aur baat ki rah rah ke dard uThtaa tha Na poochh sood-o-ziyaan kaarobaar-e-ulfat ke Vagarna yuun to na paanaa tha kuch na khotaa tha LagaavTen wo tire husn-e-be-niyaaz kee aah Main teree bazm se jab naa-umeed uTThaa tha Tujhe ham ai dil-e-dard-aashnaa kahaan DhoonDen Ham apne hosh men kab the koi jab uTThaa tha Adam kaa raaz sadaa-e-shikast saaz-e-hayaat Hijaab-e-zeest bhee kitnaa lateef pardaa tha Ye iztiraab-o-sukoon bhee thee ik fareb-e-hayaat Ki apne haal se begaana-vaar jiinaa tha Kahaan pe chuuk huee tere be-qaraaron se Zamaana doosree karvaT badalne vaalaa tha Ye koi yaad hai ye bhee hai koi mahviyyat Tire khayaal men tujh ko bhee bhuul jaanaa tha Kahaan kee choT ubhar aa.ee husn-e-taabaan men Dam-e-nazaara wo rukh dard saa chamaktaa tha Na poochh ramz-o-kinaayaat chashm-e-saaqee ke Bas ek hashr-e-khamosh anjuman men barpaa tha Chaman chaman thee gul-e-daagh-e-ishq se hastee Usee kee nik.hat-e-barbaad kaa zamaana tha Wo tha miraa dil-e-khoon-gashta jis ke miTne se Bahaar-e-baagha-e-jinaan thee vajood-e-dunya tha Qasam hai baada-kasho chashm-e-mast-e-saaqee kee Bataao haath se kya jaam-e-mai sanbhaltaa tha Visaal us se main chaahoon kahaan ye dil meraa Ye ro raha hoon ki kyuun us ko main ne dekhaa tha Umiid yaas banee yaas phir umiid banee Us ik nazar men fareb-e-nigaah kitnaa tha Ye soz-o-saaz-e-nihaan tha wo soz-o-saaz-e-ayaan Visaal-o-hijr men bas farq tha to itnaa tha Shikast-e-saaz-e-chaman thee bahaar-e-laala-o-gul Khizaan machaltee thee ghuncha jahaan chaTaktaa tha Har ek saans hai tajdeed-e-yaad-e-ayyaamee Guzar gaya wo zamaana jise guzarnaa tha Na koi va.ada na koi yaqeen na koi umiid Magar hamen to tiraa intizaar karnaa tha Kisee ke sabr ne be-sabr kar diyaa sab ko 'firaaq' naza.a men karvaT koi badaltaa tha