jin ki zindagii daaman tak hai bechaare farzaane men

Jin kee zindagee daaman tak hai bechaare farzaane hain Khaak uDaate phirte hain jo deevaane deevaane hain Vahdat-e-insaan apne ko shaa.ir se manvaa letee hai Kya anjaane kya begaane sab jaane-pahchaane hain Mujh ko shaa.ir kahne vaalo main kya meree ghazlen kya Main ne to bas sarkaar-e-ishq men Kuch parche guzraane hain Bhole-bhaale mahboobon se daanv-pech Kuch chal na sakaa Ham ye samajhte rahe abhee tak ham bhee kitne siyaane hain Hosh-o-khirad kya josh-e-junoon kya ulTee gangaa bahtee hai Kya farzaane kaise siyaane yaaro sab deevaane hain Jal-bujhne kee bhee taufeeq kahaan ushshaaq kee qismat men Ik an-dekhee sham-e-bazm ke dil vaale parvaane hain Shaa.ir se hamdardee seekho Dunya ke gham-khaane men Jitne gham hain Dunya bhar men is ke maane-jaane hain Shahr-e-nigaaraan shahr-e-nigaaraan kaun bataa.e kaisaa hai Poochhte ho kya ham se yaaro ham bhee to begaane hain Bas wo unhee se fitrat ko khaalon ke libaas pahnaataa hai Shaa.ir ke palle kya hai geeton ke taane-baane hain Kitne begaane hote hain ye jaane-pahchaane log Jaane hue bhee ba-qaul hamaare anjaane begaane hain Aaj se pahle kab the vatan men be-vatanee ke ye lachchhan Logon ko ye kahte sunaa hai ghar bhee ghurbat-khaane hain Kuch nahin khultaa kis kee zad men ye hastee-e-gurezaan hai Ham jo itne bache phirte hain kin teeron ke nishaane hain Is gum-karda-e-deeda-o-dil ko kal tak kitne jaante the Ab to 'firaaq'-e-be-khud ke aalam aalam afsaane hain