judaaii

Shajar hajar pe hain gham kee ghaTaa.en chhaa.ee huee Subuk-khiraam havaaon ko niind aa.ee huee Ragen zameen ke manaazir kee paD chaleen Dheelee Ye khasta-haalee ye darmaandagee ye sannaaTaa Fazaa-e-neem-shabee bhee hai sansanaaee huee Dhuaan dhuaan se manaazir hain shabnamistaan ke Sayyaara raat kee zulfen hain rasmasaa.ee huee Ye rang taaron bharee raat ke tanaffus kaa Ki boo-e-dard men har saans hai basaa.ee huee Khunuk udaas fazaaon kee aankhon men aansoo Tire firaaq kee ye Tiis hai uThaa.ee huee Sukoot-e-neem-shabee gahraa hota jaataa hai Ragen hain seena-e-hastee kee tilmilaa.ee huee Hai aaj saaz-e-navaa-haa-e-khoon-chakaan ai dost Hayaat teree judaa.ee kee choT khaa.ee huee Miree in aankhon se ab niind parda kartee hai Jo tere panja-e-rangeen kee thiin jagaa.ee huee Sarishk paale hue tere narm daaman ke Nashaat tere tabassum se jagmagaa.ee huee LaTak wo gesuon kee jaise pech-o-taab-e-kamand Lachak bhavon kee wo jaise kamaan jhukaa.ee huee Sahar kaa jaise tabassum damak wo maathe kee Kiran suhaag kee bindee kee lahlahaa.ee huee Vo ankhDiyon kaa fusoon ruup kee wo deviyyat Vo siina rooh-e-numoo jis men kanmanaa.ee huee Vo sej saans kee khushboo ko jis pe niind aa.e Vo qad gulaab kee ik shaakh lahlahaa.ee huee Vo jhilmilaate sitaare tire paseene ke Jabeen-e-shaam-e-javaanee thee jagmagaa.ee huee Ho jaise but-kada aazar kaa bol uThne ko Vo koi baat see goyaa labon tak aa.ee huee Vo dhaj wo dilbaree wo kaam-roop aankhon kaa Sajal adaaon men wo raagnee rachaa.ee huee Ho khvaab-gaah men sho.alon kee karvaTen dam-e-sub.h Vo bhairveen tiree bedaariyon kee gaa.ee huee Vo muskuraatee huee lutf-e-deed kee sub.hen Tiree nazar kee shuaaon kee gudgudaa.ee huee Lagee jo tere tasavvur ke narm sho.alon se Hayaat-e-ishq se us aanch kee tipaa.ee huee Hanooz waqt ke kaanon men chahchahaahaT hai Vo chaap tere qadam kee sunee-sunaa.ee huee Hanooz seena-e-maazee men jagmagaahaT hai Damakte ruup kee deepaavlee jalaa.ee huee Lahoo men Duubee umangon kee maut rok zaraa Hareem-e-dil men chalee aatee hai DhiTaa.ee huee Rahegee yaad javaan-bevgee mohabbat kee Suhaag raat kee wo chooDiyaan baDhaa.ee huee Ye meree pahlee mohabbat na thee magar ai dost Ubhar ga.ee hain wo choTen dabee-dabaa.ee huee Supurdagee o khuloos-e-nihaan ke parde men Jo teree narm-nigaahee kee thiin bi.tha.ee huee UThaa chukaa hoon main pahle bhee hijr ke sadme Vo saans dukhtee huee aankh DabDabaa.ee huee Ye haadsa hai ajab tujh ko paa ke kho denaa Ye saaneha hai ghazab teree yaad aa.ee huee Ajiib dard se koi pukaartaa hai tujhe Galaa rundhaa huaa awaaz thar tharraa.ee huee Kahaan hai aaj too ai rang-o-noor kee devee Andheree hai miree dunya luTee-luTaa.ee huee Pahunch sakegee bhee tujh tak miree navaa-e-firaaq Jo kaa.enaat ke ashkon men hai nahaa.ee huee Shajar hajar pe hain gham ki ghaTaen chhai hui Subuk-KHiram hawaon ko nind aai hui Ragen zamin ke manazir ki paD chalin Dhili Ye KHasta-haali ye darmandagi ye sannaTa Faza-e-nim-shabi bhi hai sansanai hui Dhuan dhuan se manazir hain shabnamistan ke Sayyara raat ki zulfen hain rasmasai hui Ye rang taron bhari raat ke tanaffus ka Ki bu-e-dard mein har sans hai basai hui KHunuk udas fazaon ki aankhon mein aansu Tere firaq ki ye Tis hai uThai hui Sukut-e-nim-shabi gahra hota jata hai Ragen hain sina-e-hasti ki tilmilai hui Hai aaj saz-e-nawa-ha-e-KHun-chakan ai dost Hayat teri judai ki choT khai hui Meri in aankhon se ab nind parda karti hai Jo tere panja-e-rangin ki thin jagai hui Sarishk pale hue tere narm daman ke Nashat tere tabassum se jagmagai hui LaTak wo gesuon ki jaise pech-o-tab-e-kamand Lachak bhawon ki wo jaise kaman jhukai hui Sahar ka jaise tabassum damak wo mathe ki Kiran suhag ki bindi ki lahlahai hui Wo ankhDiyon ka fusun rup ki wo dewiyyat Wo sina ruh-e-numu jis mein kanmanai hui Wo sej sans ki KHushbu ko jis pe nind aae Wo qad gulab ki ek shaKH lahlahai hui Wo jhilmilate sitare tere pasine ke Jabin-e-sham-e-jawani thi jagmagai hui Ho jaise but-kada aazar ka bol uThne ko Wo koi baat si goya labon tak aai hui Wo dhaj wo dilbari wo kaam-rup aankhon ka Sajal adaon mein wo ragni rachai hui Ho KHwab-gah mein shoalon ki karwaTen dam-e-subh Wo bhairwin teri bedariyon ki gai hui Wo muskuraati hui lutf-e-did ki subhen Teri nazar ki shuaon ki gudgudai hui Lagi jo tere tasawwur ke narm shoalon se Hayat-e-ishq se us aanch ki tipai hui Hanuz waqt ke kanon mein chahchahahaT hai Wo chap tere qadam ki suni-sunai hui Hanuz sina-e-mazi mein jagmagahaT hai Damakte rup ki dipawli jalai hui Lahu mein Dubi umangon ki maut rok zara Harim-e-dil mein chali aati hai DhiTai hui Rahegi yaad jawan-bewgi mohabbat ki Suhag raat ki wo chuDiyan baDhai hui Ye meri pahli mohabbat na thi magar ai dost Ubhar gai hain wo choTen dabi-dabai hui Supurdagi o KHulus-e-nihan ke parde mein Jo teri narm-nigahi ki thin biThai hui UTha chuka hun main pahle bhi hijr ke sadme Wo sans dukhti hui aankh DabDabai hui Ye hadsa hai ajab tujh ko pa ke kho dena Ye saneha hai ghazab teri yaad aai hui Ajib dard se koi pukarta hai tujhe Gala rundha hua aawaz thar tharrai hui Kahan hai aaj tu ai rang-o-nur ki dewi Andheri hai meri duniya luTi-luTai hui Pahunch sakegi bhi tujh tak meri nawa-e-firaq Jo kaenat ke ashkon mein hai nahai hui