jugnuu ye mast mast ghataa ye bharii bharii barsaat

Ye mast mast ghaTaa, ye bharee bharee barsaat Tamaam hadd-e-nazar tak ghulaavaTon kaa samaan Fazaa-e-shaam men Dore se paDte jaate hain Jidhar nigaah karen kuch dhuaan saa uThtaa hai Dahak uThaa hai taraavat kee aanch se aakaash Ze-farsh taa-falak angDaa.iyon kaa aalam hai Ye mad-bharee huee purvaa.iyaan sanaktee huee JhinjhoDtee hai haree Daaliyon ko sard havaa Ye shaakh-saar ke jhoolon men peng paDte hue Ye laakhon pattiyon kaa naachnaa ye raqs-e-nabaat Ye be-khudee-e-musarrat ye vaalihaana raqs Ye taal-sam ye chhamaa-chham ki kaan bajte hain Havaa ke dosh pe kuch uudee uudee shaklon kee Nashe men chuur see parchhaa.iyaan thiraktee huee Ufuq pe Doobte din kee jhapaktee hain aankhen Khamosh soz-e-daroon se sulag rahi hai ye shaam! Mire makaan ke aage hai ek chauDaa sahn vasee.a Kabhee wo hanstaa nazar aataa hai kabhi wo udaas Isee ke biich men hai ek peD peepal kaa Sunaa hai main ne buzurgon se ye ki umr us kee Jo kuch na hogee to hogee qareeb chhiyaanve saal ChhiDee thee hind men jab pahlee jang-e-aazaadee Jise dabaane ke ba.ad us ko ghadr kahne lage Ye ahl-e-hind bhee hote hain kis qadar ma.asoom Vo daar-o-geer wo aazaadee-e-vatan kee jang Vatan se thee ki ghaneem-e-vatan se ghaddaaree Biphar ga.e the hamaare vatan ke piir o javaan Dayaar-e-hind men ran paD gaya tha chaar taraf Usee zamaane men kahte hain mere daadaa ne Jab arz-e-hind sinchee Khoon se ''sapooton'' ke Miyaan-e-sahn lagaayaa tha laa ke ik paudaa Jo aab-o-aatish-o-khaak-o-havaa se paltaa huaa Khud apne qad se ba-josh-e-numoo nikaltaa huaa Fusoon-e-rooh banaatee ragon men chaltaa huaa Nigaah-e-shauq ke saanchon men roz Dhaltaa huaa Sunaa hai raaviyon se deedanee thee us kee uThaan Har ik ke dekhte hee dekhte chaDhaa parvaan Vahee hai aaj ye chhitnaar peD peepal kaa Vo Tahniyon ke kamanDal liye jaTaadhaaree Zamaana dekhe hue hai ye peD bachpan se Rahee hai is ke liye daakhlee kashish mujh men Rahaa hoon dekhtaa chup-chaap der tak us ko Main kho gaya hoon ka.ee baar is nazaare men Vo us kee gahree jaDen thiin ki zindagee kee jaDen? Pas-e-sukoon-e-shajar koi dil dhaDaktaa tha Main dekhtaa tha use hastee-e-bashar kee tarah Kabhee udaas kabhi shaadmaan kabhi gambheer Fazaa kaa surma.ee rang aur ho chalaa gahraa Ghulaa ghulaa saa falak hai dhuaan dhuaan see hai shaam Hai jhuTpuTaa ki koi azhdahaa hai maa.il-e-khvaab Sukoot-e-shaam men darmaandagee kaa aalam hai Rukee rukee see kisee soch men hai mauj-e-sabaa Rukee rukee see safen malgajee ghaTaaon kee Utaar par hai sar-e-sahn raqs peepal kaa Vo kuch nahin hai ab ik jumbish-e-khafee ke sivaa Khud apnee kaifiyat-e-neel-goon men har lahza Ye shaam Doobtee jaatee hai chhuptee jaatee hai Hijaab-e-waqt sire se hai be-his-o-harakat Rukee rukee dil-e-fitrat kee dhaDkanen yak-lakht Ye rang-e-shaam ki gardish hee aasmaan men nahin Bas ek vaqfa-e-taareek, lamha-e-shahlaa Samaa men jumbish-e-mub.ham see kuch huee fauran Tulee ghaTaa ke tale bheege bheege patton se Haree haree ka.ee chingaariyaan see phuuT paDeen Ki jaise khultee jhapaktee hon be-shumaar aankhen Ajab ye aankh-micholee thee noor-o-zulmat kee Suhaanee narm laven dete an-ginat jugnoo Ghanee siyaah khunuk pattiyon ke jhurmuT se Misaal-e-chaadar-e-shab-taab jagmagaane lage Ki thartharaate hue aansuon se saaghar-e-shaam Chhalak chhalak paDe jaise baghair saan gumaan Butoon-e-shaam men in zinda qumqumon kee damak Kisee kee soee huee yaad ko jagaatee thee Vo be-panaah ghaTaa wo bharee bharee barsaat Vo scene dekh ke aankhen miree bhar aatee thiin Miree hayaat ne dekhee hain biis barsaaten Mire janam hee ke din mar ga.ee thee maan meree Vo maan ki shakl bhee jis maan kee main na dekh sakaa Jo aankh bhar ke mujhe dekh bhee sakee na wo maan Main wo pisar hoon jo samjhaa nahin ki maan kya hai Mujhe khilaa.iyon aur daa.iyon ne paalaa tha Vo mujh se kahtee thiin jab ghir ke aatee thee barsaat Jab aasmaan men har soo ghaTaa.en chhaatee thiin Ba-waqt-e-shaam jab Udhte the har taraf jugnoo Diye dikhaate hain ye bhoolee-bhaTkee roohon ko Maza bhee aataa tha mujh ko kuch un kee baaton men Main un kee baaton men rah rah ke kho bhee jaataa tha Par is ke saath hee dil men kasak see hotee thee Kabhee kabhi ye kasak huuk ban ke uThtee thee Yateem dil ko mire ye khayaal hota tha! Ye shaam mujh ko banaa detee kaash ik jugnoo To maan kee bhaTkee huee ruuh ko dikhaataa raah Kahaan kahaan wo bichaaree bhaTak rahi hogee Kahaan kahaan miree khaatir bhaTak rahi hogee Ye soch kar miree haalat ajiib ho jaatee Palak kee oT men jugnoo chamakne lagte the Kabhee kabhi to miree hichkiyaan see bandh jaateen Ki maan ke paas kisee tarah main pahunch jaaon Aur us ko raah dikhaataa huaa main ghar laa.oon Dikhaa.oon apne khilaune dikhaa.oon apnee kitaab Kahoon ki paDh ke sunaa to miree kitaab mujhe Phir is ke ba.ad dikhaa.oon use main wo copy Ki teDhee-meDhee lakeeren banee thiin kuch jis men Ye harf the jinhen main ne likkhaa tha pahle-pahal Aur us ko raah dikhaataa huaa main ghar laa.oon Dikhaa.oon phir use aangan men wo gulaab kee bel Sunaa hai jis ko usee ne kabhi lagaayaa tha Ye jab ki baat hai jab meree umr hee kya thee Nazar se guzree thiin kal chaar paanch barsaaten Guzar rahe the mah-o-saal aur mausam par Hamaare shahar men aatee thee ghir ke jab barsaat Jab aasmaan men Udhte the har taraf jugnoo Havaa kee mauj-e-ravaan par diye jalaa.e hue Fazaa men raat ga.e jab darakht peepal kaa! Hazaaron jugnuon se koh-e-toor bantaa tha Hazaaron vaadee-e-aiman thiin jis kee shaakhon men Ye dekh kar mire dil men ye huuk uThtee thee Ki main bhee hota inheen jugnuon men ik jugnoo To maan kee bhaTkee huee ruuh ko dikhaataa raah Vo maan main jis kee mohabbat ke phuul chun na sakaa Vo maan main jis se mohabbat ke bol sun na sakaa Vo maan ki bhench ke jis ko kabhi main so na sakaa Main jis ke aanchalon men munh chhupaa ke ro na sakaa Vo maan ki ghuTnon se jis ke kabhi lipaT na sakaa Vo maan ki siine se jis ke kabhi chimaT na sakaa Humak ke god men jis kee kabhi main chaDh na sakaa Main zer-e-saaya-e-ummeed jis ke baDh na sakaa Vo maan main jis se sharaarat kee daad paa na sakaa Main jis ke haathon mohabbat kee maar khaa na sakaa Sanvaaraa jis ne na mere jhanDoole baalon ko Basaa sakee na jo honTon se suune gaalon ko Jo meree aa.ankhon men aankhen kabhi na Daal sakee Na apne haathon se mujh ko kabhi uchhaal sakee Vo maan jo koi kahaanee mujhe sunaa na sakee Mujhe sulaane ko jo loriyaan bhee gaa na sakee Vo maan jo duudh bhee apna mujhe pilaa na sakee Vo maan jo haath se apne mujhe khilaa na sakee Vo maan gale se mujhe jo kabhi lagaa na sakee Vo maan jo dekhte hee mujh ko muskuraa na sakee Kabhee jo mujh se miThaa.ee chhupaa ke rakh na sakee Kabhee jo mujh se dahee bhee bachaa ke rakh na sakee Main jis ke haath men kuch dekh kar Dahak na sakaa PaTak paTak ke kabhi paanv main Thunak na sakaa Kabhee na kheenchaa sharaarat se jis kaa aanchal bhee Rachaa sakee miree aa.ankhon men jo na kaajal bhee Vo maan jo mere liye titliyaan pakaD na sakee Jo bhaagte hue baazoo mire jakaD na sakee BaDhaayaa pyaar kabhi kar ke pyaar men na kamee Jo munh banaa ke kisee din na mujh se rooth sakee Jo ye bhee kah na sakee jaa na boloongee tujh se Jo ek baar khafaa bhee na ho sakee mujh se Vo jis ko jooThaa lagaa munh kabhi dikhaa na sakaa Kasaafaton pe miree jis ko pyaar aa na sakaa Jo miTTee khaane pe mujh ko kabhi na piiT sakee Na haath thaam ke mujh ko kabhi ghaseeT sakee Vo maan jo guftugoo kee rau men sun ke meree baD Kabhee jo pyaar se mujh ko na kah sakee ghaamaD Sharaaraton se miree jo kabhi ulajh na sakee Himaaqaton kaa miree falsafa samajh na sakee Vo maan kabhi jise chaunkaane ko main luk na sakaa Main raah chhenkne ko jis ke aage ruk na sakaa Jo apne haath se bahroop mere bhar na sakee Jo apnee aa.ankhon ko aa.eena meraa kar na sakee Gale men Daalee na baahon kee phool-maalaa bhee Na dil men lauh-e-jabeen se kiyaa ujaalaa bhee Vo maan kabhi jo mujhe baddhiyaan pahnaa na sakee Kabhee mujhe na.e kapDon se jo sajaa na sakee Vo maan na jis se laDakpan ke jhuuT bol sakaa Na jis ke dil ke daraan kunjiyon se khol sakaa Vo maan main paise bhee jis ke kabhi churaa na sakaa Sazaa se bachne ko jhooTee qasam bhee khaa na sakaa Vo maan ki aayat-e-rahmat hai jis kee cheen-e-jabeen Vo maan ki haan se bhee hotee hai baDh ke jis kee nahin Dam-e-itaab jo bantee farishta rahmat kaa Jo raag chheDtee jhunjhlaa ke bhee mohabbat kaa Vo maan ki ghuDkiyaan bhee jis ke giit ban jaa.en Vo maan ki jhiDkiyaan bhee jis kee phuul barsaa.en Vo maan ham us se jo dam bhar ko dushmanee kar len To ye na kah sake ab aao dostee kar len Kabhee jo sun na sakee meree totlee baaten Jo de sakee na kabhi thappaDon kee saughaaten Vo maan bahut se khilaune jo mujh ko de na sakee Khiraaj-e-sar-khushee-e-sarmadee jo le na sakee Vo maan main jis se laDaa.ee kabhi na Thaan sakaa Vo maan main jis pe kabhi muTThiyaan na taan sakaa Vo meree maan main kabhi jis kee piiTh par na chaDhaa Vo meree maan kabhi kuch jis ke kaan men na rakhaa Vo maan kabhi jo mujhe kardhanee pinhaa na sakee Jo taal haath se de kar mujhe nachaa na sakee Jo mere haath se ik din davaa bhee pee na sakee Ki mujh ko zindagee dene men jaan hee de dee Vo maan na dekh sakaa zindagee men jis kee chaah Usee kee bhaTaktee huee ruuh ko dikhaataa raah Ye soch soch ke aankhen miree bhar aatee thiin To jaa ke suune bichhaune pe leT rahtaa tha Kisee se ghar men na raaz apne dil ke kahtaa tha Yateem thee miree dunya, yateem meree hayaat Yateem shaam-o-sahar thii, yateem the shab-o-roz Yateem meree paDhaa.ee thee mere khel yateem Yateem meree masarrat thee meraa gham bhee yateem Yateem aansuon se takiya bhiig jaataa tha Kisee se ghar men na kahtaa tha apne dil kaa bhed Har ik se duur akelaa udaas rahtaa tha Kisee shamaa.il-e-naadeeda ko main taktaa tha Main ek vahshat-e-be-naam se haDaktaa tha Guzar rahe the mah-o-saal aur mausam par Isee tarah ka.ee barsaaten aa.iin aur ga.iin Main rafta rafta pahunchne lagaa ba-sinn-e-shu.oor To jugnuon kee haqeeqat samajh men aane lagee Ab un khilaa.iyon aur daa.iyon kee baaton par Miraa yaqeen na raha mujh pe ho gaya zaahir Ki bhaTkee roohon ko jugnoo nahin dikhaate charaagh Vo man-ghaDat see kahaanee thee ik fasaana tha Vo be-paDhee likhee kuch auraton kee thee bakvaas BhaTaktee roohon ko jugnoo nahin dikhaate charaagh Ye khul gaya mire bahlaane ko thiin ye baaten Miraa yaqeen na raha in fuzool qisson par Hamaare shahar men aatee hain ab bhee barsaaten Hamaare shahar par ab bhee ghaTaa.en chhaatee hain Hanooz bheegee huee surma.ee fazaaon men Khutoot-e-noor banaatee hain jugnuon kee safen Fazaa-e-teera men uDtee huee ye qindeelen Magar main jaan chukaa hoon ise baDaa ho kar Kisee kee ruuh ko jugnoo nahin dikhaate raah Kahaa gaya tha jo bachpan men mujh se jhuuT tha sab Magar kabhi kabhi hasrat se dil men kahtaa hoon Ye jaante hue jugnoo nahin dikhaate charaagh Kisee kee bhaTaktee huee ruuh ko magar phir bhee Vo jhuuT hee sahee kitnaa haseen jhuuT tha wo Jo mujh se chheen liyaa umr ke taqaaze ne Main kya bataa.oon wo kitnee haseen dunya thee Jo baDhtee umr ke haathon ne chheen lee mujh se Samajh sake koi ai kaash ahd-e-tiflee ko Jahaan dekhnaa miTTee ke ek reze ko Numood-e-laala-e-khud-rau men dekhnaa jannat Kare nazaara-e-kaunain ik gharaunde men UThaa ke rakh le khudaai ko jo hathelee par Kare davaam ko jo qaid ek lamhe men Sunaa? wo qaadir-e-mutlaq hai ek nannhee see jaan Khudaa bhee sajde men jhuk jaa.e saamne us ke Ye aql-o-fahm baDee chiiz hain mujhe tasleem Magar lagaa nahin sakte ham is kaa andaaza Ki aadmee ko ye paDtee hain kis qadar mahngee Ik ek kar ke wo tiflee ke har khayaal kee maut Buloogh-e-sin men wo sadme na.e khayaalon ke Na.e khayaal kaa dhachkaa na.e khayaal kee Tiis Na.e tasavvuron kaa karb, al-amaan ki hayaat Tamaam zakhm nihaan hai tamaam nashtar hai Ye choT khaa ke sambhalnaa muhaal hota hai Sukoot raat kaa jis waqt chheDtaa hai sitaar Kabhee kabhi tiree paa.el kee aatee hai jhankaar To meree aa.ankhon se motee barasne lagte hain Andheree raat ke parchhaaven Dasne lagte hain Main jugnoo ban ke to tujh tak pahunch nahin saktaa Jo tujh se ho sake ai maan too wo tareeqa bataa Too jis ko paa le wo kaaghaz uchhaal duun kaise Ye nazm main tire qadmon men Daal duun kaise Nava-e-dard se kuch jee to ho gaya halkaa Magar jab aatee hai barsaat kya karoon is ko Jab aasmaan men Udhte hain har taraf jugnoo Sharaab-e-noor liye sabz aabgeenon men Kanval jalaate hue zulmaton ke seenon men Jab un kee taabish-e-be-saakhta se peepal kaa Darakht sarv-e-charaaghaan ko maat kartaa hai Na jaane kis liye aankhen miree bhar aatee hain Ye mast mast ghaTa, ye bhari bhari barsat Tamam hadd-e-nazar tak ghulawaTon ka saman Faza-e-sham mein Dore se paDte jate hain Jidhar nigah karen kuch dhuan sa uThta hai Dahak uTha hai tarawat ki aanch se aakash Ze-farsh ta-falak angDaiyon ka aalam hai Ye mad-bhari hui purwaiyan sanakti hui JhinjhoDti hai hari Daliyon ko sard hawa Ye shaKH-sar ke jhulon mein peng paDte hue Ye lakhon pattiyon ka nachna ye raqs-e-nabaat Ye be-KHudi-e-musarrat ye walihana raqs Ye tal-sam ye chhama-chham ki kan bajte hain Hawa ke dosh pe kuch udi udi shaklon ki Nashe mein chur si parchhaiyan thirakti hui Ufuq pe Dubte din ki jhapakti hain aankhen KHamosh soz-e-darun se sulag rahi hai ye sham! Mere makan ke aage hai ek chauDa sahn wasia Kabhi wo hansta nazar aata hai kabhi wo udas Isi ke bich mein hai ek peD pipal ka Suna hai main ne buzurgon se ye ki umr us ki Jo kuch na hogi to hogi qarib chhiyanwe sal ChhiDi thi hind mein jab pahli jang-e-azadi Jise dabane ke baad us ko ghadr kahne lage Ye ahl-e-hind bhi hote hain kis qadar masum Wo dar-o-gir wo aazadi-e-watan ki jang Watan se thi ki ghanim-e-watan se ghaddari Biphar gae the hamare watan ke pir o jawan Dayar-e-hind mein ran paD gaya tha chaar taraf Usi zamane mein kahte hain mere dada ne Jab arz-e-hind sinchi KHun se saputon ke Miyan-e-sahn lagaya tha la ke ek pauda Jo aab-o-atish-o-KHak-o-hawa se palta hua KHud apne qad se ba-josh-e-numu nikalta hua Fusun-e-ruh banati ragon mein chalta hua Nigah-e-shauq ke sanchon mein roz Dhalta hua Suna hai rawiyon se didani thi us ki uThan Har ek ke dekhte hi dekhte chaDha parwan Wahi hai aaj ye chhitnar peD pipal ka Wo Tahniyon ke kamanDal liye jaTadhaari Zamana dekhe hue hai ye peD bachpan se Rahi hai is ke liye daKHli kashish mujh mein Raha hun dekhta chup-chap der tak us ko Main kho gaya hun kai bar is nazare mein Wo us ki gahri jaDen thin ki zindagi ki jaDen? Pas-e-sukun-e-shajar koi dil dhaDakta tha Main dekhta tha use hasti-e-bashar ki tarah Kabhi udas kabhi shadman kabhi gambhir Faza ka surmai rang aur ho chala gahra Ghula ghula sa falak hai dhuan dhuan si hai sham Hai jhuTpuTa ki koi azhdaha hai mail-e-KHwab Sukut-e-sham mein darmandagi ka aalam hai Ruki ruki si kisi soch mein hai mauj-e-saba Ruki ruki si safen malgaji ghaTaon ki Utar par hai sar-e-sahn raqs pipal ka Wo kuch nahin hai ab ek jumbish-e-KHafi ke siwa KHud apni kaifiyat-e-nil-gun mein har lahza Ye sham Dubti jati hai chhupti jati hai Hijab-e-waqt sire se hai be-his-o-harakat Ruki ruki dil-e-fitrat ki dhaDkanen yak-laKHt Ye rang-e-sham ki gardish hi aasman mein nahin Bas ek waqfa-e-tarik, lamha-e-shahla Sama mein jumbish-e-mubham si kuch hui fauran Tuli ghaTa ke tale bhige bhige patton se Hari hari kai chingariyan si phuT paDin Ki jaise khulti jhapakti hon be-shumar aankhen Ajab ye aankh-micholi thi nur-o-zulmat ki Suhani narm lawen dete an-ginat jugnu Ghani siyah KHunuk pattiyon ke jhurmuT se Misal-e-chadar-e-shab-tab jagmagane lage Ki thartharaate hue aansuon se saghar-e-sham Chhalak chhalak paDe jaise baghair san guman Butun-e-sham mein in zinda qumqumon ki damak Kisi ki soi hui yaad ko jagati thi Wo be-panah ghaTa wo bhari bhari barsat Wo scene dekh ke aankhen meri bhar aati thin Meri hayat ne dekhi hain bis barsaten Mere janam hi ke din mar gai thi man meri Wo man ki shakl bhi jis man ki main na dekh saka Jo aankh bhar ke mujhe dekh bhi saki na wo man Main wo pisar hun jo samjha nahin ki man kya hai Mujhe khilaiyon aur daiyon ne pala tha Wo mujh se kahti thin jab ghir ke aati thi barsat Jab aasman mein har su ghaTaen chhati thin Ba-waqt-e-sham jab Udhte the har taraf jugnu Diye dikhate hain ye bhuli-bhaTki ruhon ko Maza bhi aata tha mujh ko kuch un ki baaton mein Main un ki baaton mein rah rah ke kho bhi jata tha Par is ke sath hi dil mein kasak si hoti thi Kabhi kabhi ye kasak huk ban ke uThti thi Yatim dil ko mere ye KHayal hota tha! Ye sham mujh ko bana deti kash ek jugnu To man ki bhaTki hui ruh ko dikhata rah Kahan kahan wo bichaari bhaTak rahi hogi Kahan kahan meri KHatir bhaTak rahi hogi Ye soch kar meri haalat ajib ho jati Palak ki oT mein jugnu chamakne lagte the Kabhi kabhi to meri hichkiyan si bandh jatin Ki man ke pas kisi tarah main pahunch jaun Aur us ko rah dikhata hua main ghar laun Dikhaun apne khilaune dikhaun apni kitab Kahun ki paDh ke suna to meri kitab mujhe Phir is ke baad dikhaun use main wo copy Ki teDhi-meDhi lakiren bani thin kuch jis mein Ye harf the jinhen main ne likkha tha pahle-pahal Aur us ko rah dikhata hua main ghar laun Dikhaun phir use aangan mein wo gulab ki bel Suna hai jis ko usi ne kabhi lagaya tha Ye jab ki baat hai jab meri umr hi kya thi Nazar se guzri thin kal chaar panch barsaten Guzar rahe the mah-o-sal aur mausam par Hamare shahar mein aati thi ghir ke jab barsat Jab aasman mein Udhte the har taraf jugnu Hawa ki mauj-e-rawan par diye jalae hue Faza mein raat gae jab daraKHt pipal ka! Hazaron jugnuon se koh-e-tur banta tha Hazaron wadi-e-aiman thin jis ki shaKHon mein Ye dekh kar mere dil mein ye huk uThti thi Ki main bhi hota inhin jugnuon mein ek jugnu To man ki bhaTki hui ruh ko dikhata rah Wo man main jis ki mohabbat ke phul chun na saka Wo man main jis se mohabbat ke bol sun na saka Wo man ki bhench ke jis ko kabhi main so na saka Main jis ke aanchalon mein munh chhupa ke ro na saka Wo man ki ghuTnon se jis ke kabhi lipaT na saka Wo man ki sine se jis ke kabhi chimaT na saka Humak ke god mein jis ki kabhi main chaDh na saka Main zer-e-saya-e-ummid jis ke baDh na saka Wo man main jis se shararat ki dad pa na saka Main jis ke hathon mohabbat ki mar kha na saka Sanwara jis ne na mere jhanDule baalon ko Basa saki na jo honTon se sune galon ko Jo meri aaankhon mein aankhen kabhi na Dal saki Na apne hathon se mujh ko kabhi uchhaal saki Wo man jo koi kahani mujhe suna na saki Mujhe sulane ko jo loriyan bhi ga na saki Wo man jo dudh bhi apna mujhe pila na saki Wo man jo hath se apne mujhe khila na saki Wo man gale se mujhe jo kabhi laga na saki Wo man jo dekhte hi mujh ko muskura na saki Kabhi jo mujh se miThai chhupa ke rakh na saki Kabhi jo mujh se dahi bhi bacha ke rakh na saki Main jis ke hath mein kuch dekh kar Dahak na saka PaTak paTak ke kabhi panw main Thunak na saka Kabhi na khincha shararat se jis ka aanchal bhi Racha saki meri aaankhon mein jo na kajal bhi Wo man jo mere liye titliyan pakaD na saki Jo bhagte hue bazu mere jakaD na saki BaDhaya pyar kabhi kar ke pyar mein na kami Jo munh bana ke kisi din na mujh se ruTh saki Jo ye bhi kah na saki ja na bolungi tujh se Jo ek bar KHafa bhi na ho saki mujh se Wo jis ko juTha laga munh kabhi dikha na saka Kasafaton pe meri jis ko pyar aa na saka Jo miTTi khane pe mujh ko kabhi na piT saki Na hath tham ke mujh ko kabhi ghasiT saki Wo man jo guftugu ki rau mein sun ke meri baD Kabhi jo pyar se mujh ko na kah saki ghamaD Shararaton se meri jo kabhi ulajh na saki Himaqaton ka meri falsafa samajh na saki Wo man kabhi jise chaunkane ko main luk na saka Main rah chhenkne ko jis ke aage ruk na saka Jo apne hath se bahrup mere bhar na saki Jo apni aaankhon ko aaina mera kar na saki Gale mein Dali na bahon ki phul-mala bhi Na dil mein lauh-e-jabin se kiya ujala bhi Wo man kabhi jo mujhe baddhiyan pahna na saki Kabhi mujhe nae kapDon se jo saja na saki Wo man na jis se laDakpan ke jhuT bol saka Na jis ke dil ke daran kunjiyon se khol saka Wo man main paise bhi jis ke kabhi chura na saka Saza se bachne ko jhuTi qasam bhi kha na saka Wo man ki aayat-e-rahmat hai jis ki chin-e-jabin Wo man ki han se bhi hoti hai baDh ke jis ki nahin Dam-e-itab jo banti farishta rahmat ka Jo rag chheDti jhunjhla ke bhi mohabbat ka Wo man ki ghuDkiyan bhi jis ke git ban jaen Wo man ki jhiDkiyan bhi jis ki phul barsaen Wo man hum us se jo dam bhar ko dushmani kar len To ye na kah sake ab aao dosti kar len Kabhi jo sun na saki meri totli baaten Jo de saki na kabhi thappaDon ki saughaten Wo man bahut se khilaune jo mujh ko de na saki KHiraj-e-sar-KHushi-e-sarmadi jo le na saki Wo man main jis se laDai kabhi na Than saka Wo man main jis pe kabhi muTThiyan na tan saka Wo meri man main kabhi jis ki piTh par na chaDha Wo meri man kabhi kuch jis ke kan mein na rakha Wo man kabhi jo mujhe kardhani pinha na saki Jo tal hath se de kar mujhe nacha na saki Jo mere hath se ek din dawa bhi pi na saki Ki mujh ko zindagi dene mein jaan hi de di Wo man na dekh saka zindagi mein jis ki chah Usi ki bhaTakti hui ruh ko dikhata rah Ye soch soch ke aankhen meri bhar aati thin To ja ke sune bichhaune pe leT rehta tha Kisi se ghar mein na raaz apne dil ke kahta tha Yatim thi meri duniya, yatim meri hayat Yatim sham-o-sahar thi, yatim the shab-o-roz Yatim meri paDhai thi mere khel yatim Yatim meri masarrat thi mera gham bhi yatim Yatim aansuon se takiya bhig jata tha Kisi se ghar mein na kahta tha apne dil ka bhed Har ek se dur akela udas rehta tha Kisi shamail-e-nadida ko main takta tha Main ek wahshat-e-be-nam se haDakta tha Guzar rahe the mah-o-sal aur mausam par Isi tarah kai barsaten aain aur gain Main rafta rafta pahunchne laga ba-sinn-e-shuur To jugnuon ki haqiqat samajh mein aane lagi Ab un khilaiyon aur daiyon ki baaton par Mera yaqin na raha mujh pe ho gaya zahir Ki bhaTki ruhon ko jugnu nahin dikhate charagh Wo man-ghaDat si kahani thi ek fasana tha Wo be-paDhi likhi kuch auraton ki thi bakwas BhaTakti ruhon ko jugnu nahin dikhate charagh Ye khul gaya mere bahlane ko thin ye baaten Mera yaqin na raha in fuzul qisson par Hamare shahar mein aati hain ab bhi barsaten Hamare shahar par ab bhi ghaTaen chhati hain Hanuz bhigi hui surmai fazaon mein KHutut-e-nur banati hain jugnuon ki safen Faza-e-tira mein uDti hui ye qindilen Magar main jaan chuka hun ise baDa ho kar Kisi ki ruh ko jugnu nahin dikhate rah Kaha gaya tha jo bachpan mein mujh se jhuT tha sab Magar kabhi kabhi hasrat se dil mein kahta hun Ye jaante hue jugnu nahin dikhate charagh Kisi ki bhaTakti hui ruh ko magar phir bhi Wo jhuT hi sahi kitna hasin jhuT tha wo Jo mujh se chhin liya umr ke taqaze ne Main kya bataun wo kitni hasin duniya thi Jo baDhti umr ke hathon ne chhin li mujh se Samajh sake koi ai kash ahd-e-tifli ko Jahan dekhna miTTi ke ek reze ko Numud-e-lala-e-KHud-rau mein dekhna jannat Kare nazara-e-kaunain ek gharaunde mein UTha ke rakh le KHudai ko jo hatheli par Kare dawam ko jo qaid ek lamhe mein Suna? wo qadir-e-mutlaq hai ek nannhi si jaan KHuda bhi sajde mein jhuk jae samne us ke Ye aql-o-fahm baDi chiz hain mujhe taslim Magar laga nahin sakte hum is ka andaza Ki aadmi ko ye paDti hain kis qadar mahngi Ek ek kar ke wo tifli ke har KHayal ki maut Bulugh-e-sin mein wo sadme nae KHayalon ke Nae KHayal ka dhachka nae KHayal ki Tis Nae tasawwuron ka karb, al-aman ki hayat Tamam zaKHm nihan hai tamam nashtar hai Ye choT kha ke sambhalna muhaal hota hai Sukut raat ka jis waqt chheDta hai sitar Kabhi kabhi teri pael ki aati hai jhankar To meri aaankhon se moti barasne lagte hain Andheri raat ke parchhawen Dasne lagte hain Main jugnu ban ke to tujh tak pahunch nahin sakta Jo tujh se ho sake ai man tu wo tariqa bata Tu jis ko pa le wo kaghaz uchhaal dun kaise Ye nazm main tere qadmon mein Dal dun kaise Nawa-e-dard se kuch ji to ho gaya halka Magar jab aati hai barsat kya karun is ko Jab aasman mein Udhte hain har taraf jugnu Sharab-e-nur liye sabz aabginon mein Kanwal jalate hue zulmaton ke sinon mein Jab un ki tabish-e-be-saKHta se pipal ka DaraKHt sarw-e-charaghan ko mat karta hai Na jaane kis liye aankhen meri bhar aati hain