junoon e kaargar hai aur main hoon

Junoon-e-kaargar hai aur main hoon Hayaat-e-be-khabar hai aur main hoon MiTaa kar dil nigaah-e-avvaleen se Taqaazaa-e-digar hai aur main hoon Kahaan main aa gaya ai zor-e-parvaaz Vabaal-e-baal-o-par hai aur main hoon Nigaah-e-avvaleen se ho ke barbaad Taqaazaa-e-digar hai aur main hoon Mubaarakbaad ayyaam-e-aseeree Gham-e-deevaar-o-dar hai aur main hoon Tiree jam.iyyaten hain aur too hai Hayaat-e-muntashar hai aur main hoon Koee ho sust-paimaan bhee to yuun ho Ye shaam-e-be-sahar hai aur main hoon Nigaah-e-be-mahaabaa tere sadqe Ka.ee TukDe jigar hai aur main hoon Thikaanaa hai Kuch is uzr-e-sitam kaa Tiree neechee nazar hai aur main hoon 'firaaq' ik ek hasrat miT rahee hai Ye maatam raat bhar hai aur main hoon