Kuch na Kuch ishq ki taasiir kaa iqraar to hai

Kuch na Kuch ishq kee taaseer kaa iqraar to hai Us kaa ilzaam-e-taghaaful pe Kuch inkaar to hai Har fareb-e-gham-e-Dunya se khabar-daar to hai Teraa deevaana kisee kaam men hushyaar to hai Dekh lete hain sabhee Kuch tire mushtaaq-e-jamaal Khair deedaar na ho hasrat-e-deedaar to hai Ma.arke sar hon usee barq-e-nazar se ai husn Ye chamaktee huee chaltee hui talvaar to hai Sar paTakne ko paTaktaa hai magar ruk ruk kar Tere vahshee ko khayaal-e-dar-o-deevaar to hai Ishq kaa shikva-e-bejaa bhee na be-kaar gaya Na sahee jaur magar jaur kaa iqraar to hai Tujh se himmat to paDee ishq ko Kuch kahne kee Khair shikva na sahee shukr kaa iz.haar to hai Is men bhee raabta-e-khaas kee miltee hai jhalak Khair iqraar-e-mohabbat na ho inkaar to hai Kyuun jhapak jaatee hai rah rah ke tiree barq-e-nigaah Ye jhijak kis liye ik kushta-e-deedaar to hai Ka.ee unvaan hain mamnoon-e-karam karne ke Ishq men Kuch na sahee zindagee be-kaar to hai Sahar-o-shaam sar-e-anjuman-e-naaz na ho Jalva-e-husn to hai ishq-e-siyahkaar to hai Chaunk uThte hain 'firaaq' aate hee us shokh kaa naam Kuch saraaseemgee-e-ishq kaa iqraar to hai