samajhtaa hoon ki tuu mujh se judaa hai

Samajhtaa hoon ki too mujh se judaa hai Shab-e-furqat mujhe kya ho gaya hai Tiraa gham kya hai bas ye jaantaa hoon Ki meree zindagee mujh se khafaa hai Kabhi khush kar ga.ee mujh ko tiree yaad Kabhi aankhon men aansoo aa gaya hai Hijaabon ko samajh baiThaa main jalva Nigaahon ko baDaa dhokaa huaa hai Bahut duur ab hai dil se yaad teree Mohabbat kaa zamaana aa raha hai Na jee khush kar sakaa teraa karam bhee Mohabbat ko baDaa dhokaa raha hai Kabhi taDpaa gaya hai dil tiraa gham Kabhi dil ko sahaaraa de gaya hai Shikaayat teree dil se karte karte Achaanak pyaar tujh par aa gaya hai Jise chaunkaa ke too ne pher lee aankh Wo teraa dard ab tak jaagtaa hai Jahaan hai maujzan rangeenee-e-husn Vaheen dil kaa kanval lahraa raha hai Gulaabee hotee jaatee hain fazaa.en Koi is rang se sharmaa raha hai Mohabbat tujh se thee qabl-az-mohabbat Kuch aisa yaad mujh ko aa raha hai Judaa aaghaaz se anjaam se duur Mohabbat ik musalsal maajraa hai Khuda-haafiz magar ab zindagee men Faqat apna sahaaraa rah gaya hai Mohabbat men 'firaaq' itnaa na gham kar Zamaane men yahee hota raha hai