shaam e gam Kuch us nigaah e naaz ki baaten karo

Shaam-e-gham Kuch us nigaah-e-naaz kee baaten karo Be-khudee baDhtee chalee hai raaz kee baaten karo Ye sukoot-e-naaz ye dil kee ragon kaa TooTnaa Khaamushee men Kuch shikast-e-saaz kee baaten karo Nik.hat-e-zulf-e-pareshaan daastaan-e-shaam-e-gham Sub.h hone tak isee andaaz kee baaten karo Har rag-e-dil vajd men aatee rahe dukhtee rahe Yoonhee us ke jaa-o-bejaa naaz kee baaten karo Jau adam kee jaan hai jo hai payaam-e-zindagee Us sukoot-e-raaz us awaaz kee baaten karo Ishq rusvaa ho chalaa be-kaif saa bezaar saa Aaj us kee nargas-e-ghammaz kee baaten karo Naam bhee lenaa hai jis kaa ik jahaan-e-rang-o-boo Dosto us nau-bahaar-e-naaz kee baaten karo Kis liye uzr-e-taghaaful kis liye ilzaam-e-ishq Aaj charkh-e-tafraqa-parvaaz kee baaten karo Kuch qafas kee teeliyon se chhan raha hai nuur saa Kuch fazaa Kuch hasrat-e-parvaaz kee baaten karo Jo hayaat-e-jaavidaan hai jo hai marg-e-naa-gahaan Aaj Kuch us naaz us andaaz kee baaten karo Ishq-e-be-parvaa bhee ab Kuch naa-shakebaa ho chalaa Shokhee-e-husn-e-karishma-saaz kee baaten karo Jis kee furqat ne palaT dee ishq kee kaayaa 'firaaq' Aaj us eesaa-nafas dam-saaz kee baaten karo