tum ho jahaan ke shaayad main bhi vahaan raha hoon
— Firaq Gorakhpuri
Tum ho jahaan ke shaayad main bhee vahaan raha hoon
Kuch tum bhee bhoolte ho Kuch main bhee bhooltaa hoon
MiTtaa bhee jaa raha hoon puuraa bhee ho raha hoon
Main kis kee aarzoo hoon main kis kaa mudda.aa hoon
Manzil kee yuun to mujh ko koi khabar nahin hai
Dil men kisee taraf ko Kuch sochtaa chalaa hoon
Letee hain ulTee saansen jab shaam-e-gham fazaa.en
Us dam fanaa-baqaa kee main nabz dekhtaa hoon
Hoon wo shuaa-e-fardaa jo aankh mal rahee hai
Wo surmageen ufuq par main thartharaa raha hoon
Jis se shajar-hajar men ik ruuh dauD jaa.e
Wo saaz-e-sarmadee main ghazlon men chheDtaa hoon