tuur thaa kaaba thaa dil thaa jalva zaar e yaar thaa

Tuur thaa ka.aba thaa dil thaa jalva-zaar-e-yaar thaa Ishq sab Kuch thaa magar phir aalam-e-asraar thaa Nashsha-e-sad-jaam kaif-e-intizaar-e-yaar thaa Hijr men Thahraa huaa dil saaghar-e-sarshaar thaa Alvidaa.a ai bazm-e-anjum hijr kee shab al-firaaq Taa-ba-daur-e-zindagaanee intizaar-e-yaar thaa Ek adaa se be-niyaaz-e-qurb-o-dooree kar diyaa Maavraa-e-vasl-o-hijraan husn kaa iqraar thaa Jauhar-e-aa.eena-e-aalam bane aansoo mire Yuun to sach ye hai ki ronaa ishq men bekaar thaa Shokhee-e-raftaar vaj.h-e-hastee-e-barbaad thee Zindagee kya thee ghubaar-e-rahguzaar-e-yaar thaa Ulfat-e-dereena kaa jab zikr ishaaron men kiyaa Muskuraa kar mujh se poochhaa tum ko kis se pyaar thaa Dil-dukhe ro.e hain shaayad is jagah ai koo-e-dost Khaak kaa itnaa chamak jaanaa zaraa dushvaar thaa Zarra zarra aa.ina thaa khud-numaa.ee kaa 'firaaq' Sar-ba-sar sahraa-e-aalam jalva-zaar-e-yaar thaa