dikhaaii dete hain dhund men jaise saae koi

Dikhaa.ee dete hain dhund men jaise saa.e koi Magar bulaane se waqt lauTe na aa.e koi Mire mohalle kaa aasmaan suunaa ho gaya hai Bulandiyon pe ab aa ke peche laDaa.e koi Wo zard patte jo peD se Toot kar gire the Kahaan ga.e bahte paaniyon men bulaa.e koi Za'eef bargad ke haath men raa'sha aa gaya hai JaTaa.en aankhon pe gir rahi hain uThaa.e koi Mazaar pe khol kar garebaan du'aa.en maangen Jo aa.e ab ke to lauT kar phir na jaa.e koi