ham to kitnon ko mah jabiin kahte
— Gulzar
Ham to kitnon ko mah-jabeen kahte
Aap hain is liye nahin kahte
Chaand hota na aasmaan pe agar
Ham kise aap saa haseen kahte
Aap ke paanv phir kahaan paDte
Ham zameen ko agar zameen kahte
Aap ne auron se kahaa sab Kuch
Ham se bhee Kuch kabhi kaheen kahte
Aap ke ba.ad aap hee kahiye
Vaqt ko kaise ham-nasheen kahte
Wo bhee vaahid hai main bhee vaahid hoon
Kis sabab se ham aafreen kahte