jab bhi aankhon men ashk bhar aae

Jab bhee aankhon men ashk bhar aa.e Log Kuch Doobte nazar aa.e Apna mehvar badal chukee thee zameen Ham khalaa se jo lauT kar aa.e Chaand jitne bhee gum hue shab ke Sab ke ilzaam mere sar aa.e Chand lamhe jo lauT kar aa.e Raat ke aakhiree pahar aa.e Ek golee ga.ee thee soo-e-falak Ik parinde ke baal-o-par aa.e Kuch charaaghon kee saans Toot ga.ee Kuch ba-mushkil dam-e-sahar aa.e Mujh ko apna pataa-Thikaana mile Wo bhee ik baar mere ghar aa.e