tujh ko dekhaa hai jo Dariya ne idhar aate hue
— Gulzar
Tujh ko dekhaa hai jo Dariya ne idhar aate hue
Kuch bhanvar Doob ga.e paanee men chakraate hue
Ham ne to raat ko daanton se pakaD kar rakkhaa
Chheenaa-jhapTee men ufuq khultaa gaya jaate hue
Main na hoongaa to khizaan kaise kaTegee teree
Shokh patte ne kahaa shaakh se murjhaate hue
Hasraten apnee bilakteen na yateemon kee tarah
Ham ko awaaz hee de lete zaraa jaate hue
See liye honT wo paakeeza nigaahen sun kar
Mailee ho jaatee hai awaaz bhee dohraate hue