zikr aae to mire lab se duaaen niklen

Zikr aa.e to mire lab se duaa.en niklen Sham.a jaltee hai to laazim hai shuaa.en niklen Vaqt kee zarb se kaT jaate hain sab ke siine Chaand kaa chhalkaa utar jaa.e to qaashen niklen Dafn ho jaa.en ki zarkhez zameen lagtee hai Kal isee miTTee se shaayad miree shaakhen niklen Chand ummeeden nichoDee thiin to aahen Tapkeen Dil ko pighlaa.en to ho saktaa hai saansen niklen Ghaar ke munh pe rakhaa rehne do sang-e-khursheed Ghaar men haath na Daalo kaheen raaten niklen