zikr hota hai jahaan bhi mire afsaane kaa
— Gulzar
Zikr hota hai jahaan bhee mire afsaane kaa
Ek darvaaza saa khultaa hai kutub-khaane kaa
Ek sannaaTaa dabe-paanv gaya ho jaise
Dil se ik khauf saa guzraa hai bichhaD jaane kaa
Bulbula phir se chalaa paanee men ghote khaane
Na samajhne kaa use waqt na samjhaane kaa
Main ne alfaaz to beejon kee tarah chhaanT diye
Aisa meeThaa tiraa andaaz tha farmaane kaa
Kis ko roke koi raste men kahaan baat kare
Na to aane kee khabar hai na pataa jaane kaa