zindagii yuun huii basar tanhaa
— Gulzar
Zindagee yuun huee basar tanhaa
Qaafila saath aur safar tanhaa
Apne saa.e se chaunk jaate hain
Umr guzree hai is qadar tanhaa
Raat bhar baaten karte hain taare
Raat kaaTe koi kidhar tanhaa
Doobne vaale paar jaa utre
Naqsh-e-paa apne chhoD kar tanhaa
Din guzartaa nahin hai logon men
Raat hotee nahin basar tanhaa
Ham ne darvaaze tak to dekhaa thaa
Phir na jaane ga.e kidhar tanhaa