14 august kahaan tuutii hain zanjiiren hamaarii

Kahaan TuuTee hain zanjeeren hamaaree Kahaan badlee hain taqreeren hamaaree Vatan tha zehn men zindaan nahin tha Chaman khawabon kaa yuun veeraan nahin tha Bahaaron ne diye wo daagh ham ko Nazar aataa hai maqtal baagh ham ko Gharon ko chhoD kar jab ham chale the Hamaare dil men kya kya valvale the Ye sochaa tha hamaaraa raaj hogaa Sar-e-mehnat-kashaan par taaj hogaa Na looTegaa koi mehnat kisee kee Milegee sab ko daulat zindagee kee Na chaatengee hamaaraa Khoon masheenen Banengee rashk-e-jannat ye zameenen Koee gauhar koi aadam na hogaa Kisee ko rahzanon kaa gham na hogaa LuTee har-gaam par ummeed apnee Moharram ban ga.ee har iid apnee Musallat hai saron par raat ab tak Vahee hai soorat-e-haalaat ab tak Kahan TuTi hain zanjiren hamari Kahan badli hain taqriren hamari Watan tha zehn mein zindan nahin tha Chaman KHwabon ka yun viran nahin tha Bahaaron ne diye wo dagh hum ko Nazar aata hai maqtal bagh hum ko Gharon ko chhoD kar jab hum chale the Hamare dil mein kya kya walwale the Ye socha tha hamara raj hoga Sar-e-mehnat-kashan par taj hoga Na luTega koi mehnat kisi ki Milegi sab ko daulat zindagi ki Na chatengi hamara KHun mashinen Banengi rashk-e-jannat ye zaminen Koi gauhar koi aadam na hoga Kisi ko rahzanon ka gham na hoga LuTi har-gam par ummid apni Moharram ban gai har id apni Musallat hai saron par raat ab tak Wahi hai surat-e-haalat ab tak