ab terii zaruurat bhii bahut kam hai mirii jaan

Ab teree zaroorat bhee bahut kam hai miree jaan Ab shauq kaa kuch aur hee aalam hai miree jaan Ab tazkira-e-khanda-e-gul baar hai jee par Jaan vaqf-e-gham-e-giriya-e-shabnam hai miree jaan Rukh par tire bikhree huee ye zulf-e-siyah-taab Tasveer-e-pareshaani-e-aalam hai miree jaan Ye kya ki tujhe bhee hai zamaane se shikaayat Ye kya ki tiree aankh bhee pur-nam hai miree jaan Ham saada-dilon par ye shab-e-gham kaa tasallut Maayoos na ho aur koi dam hai miree jaan Ye teree tavajjoh kaa hai ejaaz ki mujh se Har shakhs tire shahr kaa barham hai miree jaan Ai nuz.hat-e-mahtaab tiraa gham hai miree ziist Ai naazish-e-khursheed tiraa gham hai miree jaan Ab teri zarurat bhi bahut kam hai meri jaan Ab shauq ka kuch aur hi aalam hai meri jaan Ab tazkira-e-KHanda-e-gul bar hai ji par Jaan waqf-e-gham-e-giriya-e-shabnam hai meri jaan RuKH par tere bikhri hui ye zulf-e-siyah-tab Taswir-e-pareshani-e-alam hai meri jaan Ye kya ki tujhe bhi hai zamane se shikayat Ye kya ki teri aankh bhi pur-nam hai meri jaan Hum sada-dilon par ye shab-e-gham ka tasallut Mayus na ho aur koi dam hai meri jaan Ye teri tawajjoh ka hai ejaz ki mujh se Har shaKHs tere shahr ka barham hai meri jaan Ai nuzhat-e-mahtab tera gham hai meri zist Ai nazish-e-KHurshid tera gham hai meri jaan