ahd e sazaa

Ye ek ahd-e-sazaa hai jazaa kee baat na kar Duaa se haath uThaa rakh davaa kee baat na kar Khudaa ke naam pe zaalim nahin ye zulm ravaa Mujhe jo chaahe sazaa de khuda kee baat na kar Hayaat ab to inheen mahbason men guzregee Sitamgaron se koi iltijaa kee baat na kar Unhee ke haath men patthar hain jin ko pyaar kiyaa Ye dekh hashr hamaaraa wafa kee baat na kar Abhee to paa.ee hai main ne rihaa.ee rahzan se BhaTak na jaaon main phir rahnumaa kee baat na kar Bujhaa diyaa hai havaa ne har ek dayaa kaa diyaa Na DhoonD ahl-e-karam ko dayaa kee baat na kar Nuzool-e-habs huaa hai falak se ai 'jaalib' GhuTaa ghuTaa hee sahee dam ghaTaa kee baat na kar Ye ek ahd-e-saza hai jaza ki baat na kar Dua se hath uTha rakh dawa ki baat na kar KHuda ke nam pe zalim nahin ye zulm rawa Mujhe jo chahe saza de KHuda ki baat na kar Hayat ab to inhin mahbason mein guzregi Sitamgaron se koi iltija ki baat na kar Unhi ke hath mein patthar hain jin ko pyar kiya Ye dekh hashr hamara wafa ki baat na kar Abhi to pai hai main ne rihai rahzan se BhaTak na jaun main phir rahnuma ki baat na kar Bujha diya hai hawa ne har ek daya ka diya Na DhunD ahl-e-karam ko daya ki baat na kar Nuzul-e-habs hua hai falak se ai 'jalib' GhuTa ghuTa hi sahi dam ghaTa ki baat na kar