ai jahaan dekh le
— Habib Jalib
Ai jahaan dekh le kab se be-ghar hain ham
Ab nikal aa.e hain le ke apna alam
Ye mahallaat ye oonche oonche makaan
In kee buniyaad men hai hamaaraa lahoo
Kal jo mehmaan the ghar ke maalik bane
Shaah bhee hai adoo shaikh bhee hai adoo
Kab talak ham sahen ghaasibon ke sitam
Ai jahaan dekh le kab se be-ghar hain ham
Ab nikal aa.e hain le ke apna alam
Itnaa saada na ban tujh ko ma.aloom hai
Kaun ghere hue hai filisteen ko
Aaj khul ke ye na.ara lagaa ai jahaan
Qaatilo rah-zano ye zameen chhoD do
Ham ko laDnaa hai jab tak ki dam men hai dam
Ai jahaan dekh le kab se be-ghar hain ham
Ab nikal aa.e hain le ke apna alam
Ai jahan dekh le kab se be-ghar hain hum
Ab nikal aae hain le ke apna alam
Ye mahallat ye unche unche makan
In ki buniyaad mein hai hamara lahu
Kal jo mehman the ghar ke malik bane
Shah bhi hai adu shaiKH bhi hai adu
Kab talak hum sahen ghasibon ke sitam
Ai jahan dekh le kab se be-ghar hain hum
Ab nikal aae hain le ke apna alam
Itna sada na ban tujh ko malum hai
Kaun ghere hue hai filistin ko
Aaj khul ke ye nara laga ai jahan
Qatilo rah-zano ye zamin chhoD do
Hum ko laDna hai jab tak ki dam mein hai dam
Ai jahan dekh le kab se be-ghar hain hum
Ab nikal aae hain le ke apna alam