apnii jang rahegii jab tak chand lutere is dhartii ko ghere hain

Jab tak chand luTere is dhartee ko ghere hain Apnee jang rahegee Ahl-e-havas ne jab tak apne daam bikhere hain Apnee jang rahegee Maghrib ke chehre par yaaro apne Khoon kee laalee hai Lekin ab us ke suraj kee naav Doobne vaalee hai Mashriq kee taqdeer men jab tak gham ke andhere hain Apnee jang rahegee Zulm kaheen bhee ho ham us kaa sar kham karte jaa.enge Mahlon men ab apne lahoo ke diye na jalne paa.enge KuTiyaaon se jab tak sub.hon ne munh phere hain Apnee jang rahegee Jaan liyaa ai ahl-e-karam tum Tolee ho ayyaaron kee Dast-e-nigar kyuun ban ke rahe ye bastee hai khuddaaron kee Duube hue dukh-dard men jab tak saanjh savere hain Apnee jang rahegee Jab tak chand luTere is dharti ko ghere hain Apni jang rahegi Ahl-e-hawas ne jab tak apne dam bikhere hain Apni jang rahegi Maghrib ke chehre par yaro apne KHun ki lali hai Lekin ab us ke suraj ki naw Dubne wali hai Mashriq ki taqdir mein jab tak gham ke andhere hain Apni jang rahegi Zulm kahin bhi ho hum us ka sar KHam karte jaenge Mahlon mein ab apne lahu ke diye na jalne paenge KuTiyaon se jab tak subhon ne munh phere hain Apni jang rahegi Jaan liya ai ahl-e-karam tum Toli ho ayyaron ki Dast-e-nigar kyun ban ke rahe ye basti hai KHuddaron ki Dube hue dukh-dard mein jab tak sanjh sawere hain Apni jang rahegi