apnon ne wo ranj diye hain begaane yaad aate hain

Apnon ne wo ranj diye hain begaane yaad aate hain Dekh ke us bastee kee haalat veeraane yaad aate hain Us nagree men qadam qadam pe sar ko jhukaanaa paDtaa hai Us nagree men qadam qadam par but-khaane yaad aate hain Aankhen pur-nam ho jaatee hain ghurbat ke sahraaon men Jab us rim-jhim kee vaadee ke afsaane yaad aate hain Aise aise dard mile hain na.e dayaaron men ham ko BichhDe hue kuch log puraane yaaraane yaad aate hain Jin ke kaaran aaj hamaare haal pe dunya hanstee hai Kitne zaalim chehre jaane pahchaane yaad aate hain Yuun na luTee thee galiyon daulat apne ashkon kee Rote hain to ham ko apne gham-khaane yaad aate hain Koee to parcham le kar nikle apne garebaan kaa 'jaalib' Chaaron jaanib sannaaTaa hai deevaane yaad aate hain Apnon ne wo ranj diye hain begane yaad aate hain Dekh ke us basti ki haalat virane yaad aate hain Us nagri mein qadam qadam pe sar ko jhukana paDta hai Us nagri mein qadam qadam par but-KHane yaad aate hain Aankhen pur-nam ho jati hain ghurbat ke sahraon mein Jab us rim-jhim ki wadi ke afsane yaad aate hain Aise aise dard mile hain nae dayaron mein hum ko BichhDe hue kuch log purane yarane yaad aate hain Jin ke karan aaj hamare haal pe duniya hansti hai Kitne zalim chehre jaane pahchane yaad aate hain Yun na luTi thi galiyon daulat apne ashkon ki Rote hain to hum ko apne gham-KHane yaad aate hain Koi to parcham le kar nikle apne gareban ka 'jalib' Chaaron jaanib sannaTa hai diwane yaad aate hain