aurat baazaar hai wo ab tak jis men tujhe nachvaayaa

Baazaar hai wo ab tak jis men tujhe nachvaayaa Deevaar hai wo ab tak jis men tujhe chunvaayaa Deevaar ko aa toDen baazaar ko aa Dhaa.en Insaaf kee khaatir ham saDkon pe nikal aa.en Majboor ke sar par hai shaahee kaa vahee saayaa Baazaar hai wo ab tak jis men tujhe nachvaayaa Taqdeer ke qadmon par sar rakh ke paDe rahnaa Taa.eed-e-sitamgar hai chup rah ke sitam sahnaa Haq jis ne nahin chheenaa haq us ne kahaan paayaa Baazaar hai wo ab tak jis men tujhe nachvaayaa KuTiyaa men tiraa peechhaa ghurbat ne nahin chhoDaa Aur mahl-saraa men bhee zardaar ne dil toDaa Uf tujh pe zamaane ne kya kya na sitam Dhaayaa Baazaar hai wo ab tak jis men tujhe nachvaayaa Too aag men ai aurat zinda bhee jalee barson Saanche men har ik gham ke chup-chaap Dhalee barson Tujh ko kabhi jalvaayaa tujh ko kabhi gaDvaayaa Baazaar hai wo ab tak jis men tujhe nachvaayaa Bazar hai wo ab tak jis mein tujhe nachwaya Diwar hai wo ab tak jis mein tujhe chunwaya Diwar ko aa toDen bazar ko aa Dhaen Insaf ki KHatir hum saDkon pe nikal aaen Majbur ke sar par hai shahi ka wahi saya Bazar hai wo ab tak jis mein tujhe nachwaya Taqdir ke qadmon par sar rakh ke paDe rahna Taid-e-sitamgar hai chup rah ke sitam sahna Haq jis ne nahin chhina haq us ne kahan paya Bazar hai wo ab tak jis mein tujhe nachwaya KuTiya mein tera pichha ghurbat ne nahin chhoDa Aur mahl-sara mein bhi zardar ne dil toDa Uf tujh pe zamane ne kya kya na sitam Dhaya Bazar hai wo ab tak jis mein tujhe nachwaya Tu aag mein ai aurat zinda bhi jali barson Sanche mein har ek gham ke chup-chap Dhali barson Tujh ko kabhi jalwaya tujh ko kabhi gaDwaya Bazar hai wo ab tak jis mein tujhe nachwaya