bate rahoge to apna yuunhii bahegaa lahuu

BaTe rahoge to apna yoonhee bahegaa lahoo Hue na ek to manzil na ban sakegaa lahoo Ho kis ghamanD men ai lakht lakht deeda-varo Tumhen bhee qaatil-e-mehnat-kashaan kahegaa lahoo Isee tarah se agar tum anaa-parast rahe Khud apna raah-numaa aap hee banegaa lahoo Suno tumhaare garebaan bhee nahin mahfooz Daro tumhaaraa bhee ik din hisaab legaa lahoo Agar na ahd kiyaa ham ne ek hone kaa Ghaneem sab kaa yoonhee bechtaa rahegaa lahoo Kabhee kabhee mire bachche bhee mujh se poochhte hain Kahaan tak aur too khushk apna hee karegaa lahoo Sadaa kahaa yahee main ne qareeb-tar hai wo duur Ki jis men koi hamaaraa na pee sakegaa lahoo BaTe rahoge to apna yunhi bahega lahu Hue na ek to manzil na ban sakega lahu Ho kis ghamanD mein ai laKHt laKHt dida-waro Tumhein bhi qatil-e-mehnat-kashan kahega lahu Isi tarah se agar tum ana-parast rahe KHud apna rah-numa aap hi banega lahu Suno tumhaare gareban bhi nahin mahfuz Daro tumhaara bhi ek din hisab lega lahu Agar na ahd kiya hum ne ek hone ka Ghanim sab ka yunhi bechta rahega lahu Kabhi kabhi mere bachche bhi mujh se puchhte hain Kahan tak aur tu KHushk apna hi karega lahu Sada kaha yahi main ne qarib-tar hai wo dur Ki jis mein koi hamara na pi sakega lahu