bhulaa bhi de use jo baat ho gaii pyaare

Bhulaa bhee de use jo baat ho ga.ee pyaare Na.e charaagh jalaa raat ho ga.ee pyaare Tiree nigaah-e-pashemaan ko kaise dekhoongaa Kabhee jo tujh se mulaaqaat ho ga.ee pyaare Na teree yaad na dunya kaa gham na apna khayaal Ajiib soorat-e-haalaat ho ga.ee pyaare Udaas udaas hain sham.en bujhe bujhe saaghar Ye kaisee shaam-e-kharaabaat ho ga.ee pyaare Vafaa kaa naam na legaa koi zamaane men Ham ahl-e-dil ko agar maat ho ga.ee pyaare Tumhen to naaz bahut doston pe tha 'jaalib' Alag-thalag se ho kya baat ho ga.ee pyaare Bhula bhi de use jo baat ho gai pyare Nae charagh jala raat ho gai pyare Teri nigah-e-pasheman ko kaise dekhunga Kabhi jo tujh se mulaqat ho gai pyare Na teri yaad na duniya ka gham na apna KHayal Ajib surat-e-haalat ho gai pyare Udas udas hain shamen bujhe bujhe saghar Ye kaisi sham-e-KHarabaat ho gai pyare Wafa ka nam na lega koi zamane mein Hum ahl-e-dil ko agar mat ho gai pyare Tumhein to naz bahut doston pe tha 'jalib' Alag-thalag se ho kya baat ho gai pyare