chuur tha zakhmon se dil zakhmii jigar bhi ho gaya
— Habib Jalib
Chuur tha zakhmon se dil zakhmee jigar bhee ho gaya
Us ko rote the ki suunaa ye nagar bhee ho gaya
Log usee soorat pareshaan hain jidhar bhee dekhiye
Aur wo kahte hain koh-e-gham to sar bhee ho gaya
Baam-o-dar par hai musallat aaj bhee shaam-e-alam
Yuun to in galiyon se khursheed-e-sahar bhee ho gaya
Us sitamgar kee haqeeqat ham pe zaahir ho ga.ee
Khatm khush-fahmee kee manzil kaa safar bhee ho gaya
Chur tha zaKHmon se dil zaKHmi jigar bhi ho gaya
Us ko rote the ki suna ye nagar bhi ho gaya
Log usi surat pareshan hain jidhar bhi dekhiye
Aur wo kahte hain koh-e-gham to sar bhi ho gaya
Baam-o-dar par hai musallat aaj bhi sham-e-alam
Yun to in galiyon se KHurshid-e-sahar bhi ho gaya
Us sitamgar ki haqiqat hum pe zahir ho gai
KHatm KHush-fahmi ki manzil ka safar bhi ho gaya