coffee house

Din-bhar coffe-house men baiThe kuch duble-patle naqqaad Bahs yahee karte rahte hain sust adab kee hai raftaar Sirf adab ke gham men ghaltaan chalne phirne se laachaar Chehron se zaahir hota hai jaise barson ke beemaar Urdu-adab men Dhaa.ee hain shaa.er 'meer' o 'ghaalib' aadhaa 'josh' Yaa ik-aadh kisee kaa misra yaa 'iqbaal' ke chand ash.aar Yaa phir nazm hai ik choohe par haamid-'madnee' kaa shahkaar Koee nahin hai achchhaa shaa.er koi nahin afsaana-nigaar 'manTo' 'kirshn' 'nadeem' aur 'bedee' in men jaan to hai lekin Aib ye hai in ke haathon men kund zabaan kee hai talvaar 'aalee' afsar 'inshaa' baaboo 'naasir' 'meer' ke bar-khurdaar 'faiz' ne jo ab tak likkhaa hai kya likkhaa hai sab be-kaar Un ko adab kee sehhat kaa gham mujh ko un kee sehhat kaa Ye bechaare dukh ke maare jiine se hain kyuun be-zaar Husn se vahshat ishq se nafrat apnee hee soorat se pyaar Khanda-e-gul par ek tabassum girya-e-shabnam se inkaar Din-bhar coffee-house mein baiThe kuch duble-patle naqqad Bahs yahi karte rahte hain sust adab ki hai raftar Sirf adab ke gham mein ghaltan chalne phirne se lachaar Chehron se zahir hota hai jaise barson ke bimar Urdu-adab mein Dhai hain shaer 'mir' o 'ghaalib' aadha 'josh' Ya ik-adh kisi ka misra ya 'iqbaal' ke chand ashaar Ya phir nazm hai ek chuhe par hamid-'madni' ka shahkar Koi nahin hai achchha shaer koi nahin afsana-nigar 'manTo' 'kirshn' 'nadim' aur 'bedi' in mein jaan to hai lekin Aib ye hai in ke hathon mein kund zaban ki hai talwar 'ali' afsar 'insha' babu 'nasir' 'mir' ke bar-KHurdar 'faiz' ne jo ab tak likkha hai kya likkha hai sab be-kar Un ko adab ki sehhat ka gham mujh ko un ki sehhat ka Ye bechaare dukh ke mare jine se hain kyun be-zar Husn se wahshat ishq se nafrat apni hi surat se pyar KHanda-e-gul par ek tabassum girya-e-shabnam se inkar