daastaan e dil e do niim
— Habib Jalib
Ik haseen gaanv tha kanaar-e-aab
Kitnaa shaadaab tha dayaar-e-aab
Kyaa ajab be-niyaaz bastee thee
Muflisee men bhee ek mastee thee
Kitne dildaar the hamaare dost
Vo bichaare wo be-sahaare dost
Apnaa ik daa.era tha dhartee thee
Zindagee chiin se guzartee thee
Qissa jab yoosuf o zulekhaa kaa
MeeThe meeThe suron men chhiDtaa tha
Qasr shaahon ke hilne lagte the
Chaak seenon ke silne lagte the
Ek hasin ganw tha kanar-e-ab
Kitna shadab tha dayar-e-ab
Kya ajab be-niyaz basti thi
Muflisi mein bhi ek masti thi
Kitne dildar the hamare dost
Wo bichaare wo be-sahaare dost
Apna ek daera tha dharti thi
Zindagi chin se guzarti thi
Qissa jab yusuf o zuleKHa ka
MiThe miThe suron mein chhiDta tha
Qasr shahon ke hilne lagte the
Chaak sinon ke silne lagte the