dastuur diip jis kaa mahallaat hi men jale

Diip jis kaa mahallaat hee men jale Chand logon kee khushiyon ko le kar chale Vo jo saa.e men har maslahat ke pale Aise dastoor ko sub.h-e-be-noor ko Main nahin maantaa main nahin jaantaa Main bhee khaa.if nahin takhta-e-daar se Main bhee mansoor huun kah do aghyaar se Kyuun Daraate ho zindaan kee deevaar se Zulm kee baat ko jahl kee raat ko Main nahin maantaa main nahin jaantaa Phuul shaakhon pe khilne lage tum kaho Jaam rindon ko milne lage tum kaho Chaak seenon ke silne lage tum kaho Is khule jhuuT ko zehn kee luuT ko Main nahin maantaa main nahin jaantaa Tum ne luuTaa hai sadiyon hamaaraa sukoon Ab na ham par chalegaa tumhaaraa fusoon Chaaraagar dardmandon ke bante ho kyuun Tum nahin chaaraagar koi maane magar Main nahin maantaa main nahin jaantaa Dip jis ka mahallat hi mein jale Chand logon ki KHushiyon ko le kar chale Wo jo sae mein har maslahat ke pale Aise dastur ko subh-e-be-nur ko Main nahin manta main nahin jaanta Main bhi KHaif nahin taKHta-e-dar se Main bhi mansur hun kah do aghyar se Kyun Daraate ho zindan ki diwar se Zulm ki baat ko jahl ki raat ko Main nahin manta main nahin jaanta Phul shaKHon pe khilne lage tum kaho Jam rindon ko milne lage tum kaho Chaak sinon ke silne lage tum kaho Is khule jhuT ko zehn ki luT ko Main nahin manta main nahin jaanta Tum ne luTa hai sadiyon hamara sukun Ab na hum par chalega tumhaara fusun Chaaragar dardmandon ke bante ho kyun Tum nahin chaaragar koi mane magar Main nahin manta main nahin jaanta